Popular Bible Verses from मरकुस 10

Share

क्जोकि मैं माणुये दा पुत्तर सेवा करवाणे तांई नीं, अपर इसतांई आया कि सेवा करैं, कने मतेआं जो छड्डाणे तांई अपणे प्राण दैं।”

यीशु तिन्हां बक्खी दिक्खी नैं ग्लाणा लग्गा, “माणुआं तांई तां बड़ा औखा ऐ, अपर परमात्मे ते होई सकदा ऐ। क्जोकि परमात्मे तांई सब कुच्छ बड़ा सौखा ऐ।”

यीशुयैं तिसियो ग्लाया, “घरेयो चली जा, तेरे बसुआसैं तिज्जो खरा कित्ता ऐ जेह्ड़ा तू मिन्जो पर करदा ऐ।” सैह़ तिसी बग्त दिक्खणा लग्गी पेआ, कने तिसा भीड़ा सौगी तिस पचांह़ चली पेआ।

इसतांई जिसियो परमात्मैं जोड़या ऐ, सैह़ लाड़ा-लाड़ी अप्पु च लग्ग ना होन।”

यीशुयैं तिसियो दिक्खी करी तिस नैं प्यार कित्ता, कने ग्लाया, “तिज्जो च इक्की गल्ला दी कमी ऐ। जा, जेह्ड़ा कुच्छ तिज्जो अल्ल ऐ तिसियो बेची नैं गरीबां जो देई दे, कने तिज्जो सुअर्गे च सच्ची धन-दौलत मिलगी, कने आई नैं मिन्जो पचांह़ चली पौ।”

इसा गल्ला पर यीशुयैं तिसियो पुछया, “तू क्या चांह़दा ऐ कि मैं तिज्जो तांई करैं?” अन्ने तिसियो ग्लाया, “हे गुरू जी, मैं चांह़दा ऐ कि मैं दिक्खणा लग्गी पोयैं।”

अपर तुहां च ऐदेया नीं होणा चाइदा। तुहां च जेह्ड़ा कोई दूये ते बड्डा होणा चांह़दा ऐ, सैह़ तुहां दा दास बणैं।

मैं तुहां नैं सच्च ग्लांदा कि जेह्ड़ा कोई परमात्मे दे राज्जे जो इन्हां निक्के जागते साइआं मन्नी नीं लैं, ताह़लू सैह़ सुअर्गे दे राज्जे च कदी नीं पुज्जी पांगा।

अपर जेह्ड़े इस संसारे च अपणे आप्पे जो म्हान समझदे हन, सैह़ परमात्मे दिया नजरा नीच हुंगे; कने जिसियो संसारे दे लोक नीच समझदे हन, सैह़ परमात्मे दिया नजरा च म्हान हुंगा।”

अपर सृष्टिया दे सुरू ते ई, परमात्मैं मरद कने जणांस करी नैं तिन्हां जो बणाया ऐ। इसा बज़ाह ते ई मरद अपणे माँऊ कने बुढ़े ते लग्ग होई नैं अपणिया लाड़िया सौगी मिल्ली नैं रैंह्गा, कने सैह़ दोयो इक्क तन हुंगे, क्जोकि तिन्हां च दो नीं अपर इक्क जान्न ऐ।