Popular Bible Verses from मरकुस 9

Share

यीशुयैं तिस नैं ग्लाया, “जे तू करी सकदा ऐ, एह़ क्या गल्ल ऐ? परमात्मे पर बसुआस करणे आल़ेआं तांई सब कुच्छ होई सकदा ऐ।”

जागते दे बुढ़ैं तिसी बग्त गिड़गिड़ाई नैं ग्लाया, “हे प्रभु मैं बसुआस करदा ऐ कि तुहां मिन्जो पर दया करी सकदे हन। अपर मेरे बेबसुआसे जो दूर करी देआ।”

जाह़लू यीशु कने तिसदे चेले बापस घरे जो आये तां तिसदेयां चेलेयां तिसते पड़दे नैं पुछया, “अहां तिसा दुष्टआत्मा जो क्जो नीं कड्डी सके?” यीशु चेलेयां नैं ग्लाणा लग्गा, “इसा किस्मा दी दुष्टआत्मा जो सिर्फ ब्रते सौगी प्रार्थना करी नैं ई कड्डी सकदे हन।”

लूण इक्क खरी चीज्ज ऐ, अपर जे लूणै दा लूणकापन चली जां, तां तिसियो कुसा चीज्जा नैं लूणका करगे? इसतांई अपणे आप्पे च लूणकापन रखा, कने अप्पु च मेल-जोल करी नैं रेह्आ।”

“जेह्ड़ा कोई ऐदेय जागते जो मेरे नांऐ ते अपनांदा ऐ, सैह़ मिन्जो अपनांदा ऐ, कने जेह्ड़ा कोई मिन्जो अपनांदा ऐ, सैह़ मिन्जो ई नीं, अपर मेरे घल्लणे आल़े जो भी अपनांदा ऐ।”

जेह्ड़ा कोई इक्क ग्लास पांणिये दा तुहां जो एह़ समझी नैं पियां कि तुहां मसीह दे हन, तां मैं तुहां नैं सच्च ग्लांदा ऐ कि तिन्हां जो तिन्हां दा प्रतिफल़ जरूर मिलणा ऐ।”

यीशुयैं ग्लाया, “इक्क माणु जेह्ड़ा बसुआसे च मजबूत ऐ कने सैह़ बसुआसे च कमजोर माणुये ते पाप करवांदा ऐ, तिसियो परमात्मा सज़ा दिंगा, अपर परमात्मे दिया खतरनाक सज़ा ते एह़ खरा ऐ कि इक्क बड्डे घराटे दा पुड़ तिसदे गल़े च लटकाई करी सैह़ समुंदरे च सट्टी दित्ता जां।

कने जे तेरी अख हुंदे भी तिज्जो ते पाप करवांदी ऐ तां तिसायो कड्डी करी सट्टी दे। काणा होई नैं परमात्मे दे राज्जे च प्रवेश करणा तिज्जो तांई इसते बधिया ऐ कि दूँ अखीं हुंदेया भी तू नरके दिया अग्गी च सट्टेया जां।