Popular Bible Verses from मत्ती 28

Share

इसतांई तुहां जा, सारी जातिआं दे लोकां जो चेला बणा; कने तिन्हां जो पिता, कने पुत्तर, कने पवित्र आत्मा दे नांऐ ते बपतिस्मा देआ, कने तिन्हां जो सारे हुक्म जेह्ड़े मैं तुहां जो दित्यो हन, तिन्हां जो मन्नणा सखा कने सुणा मैं संसारे दे अन्त तिकर सदा तुहां सौगी ऐ।”

यीशुयैं तिन्हां अल्ल आई नैं ग्लाया, “सुअर्ग कने धरतिया दा सारा हक्क मिन्जो दित्या ऐ।

सुअर्गदूत जणासां नैं ग्लाणा लग्गा, “मत डरा, मैं जाणदा ऐ, कि तुहां यीशुये जो तोपा दियां हन, जेह्ड़ा सूल़िया पर टूंगेया था। सैह़ ऐत्थु नीं ऐ, अपर अपणे वचने दे मताबक जिन्दा होई गेआ ऐ। ओआ, एह़ जगाह दिक्खा, जित्थु प्रभु रखेया था

ताह़लू यीशु तिन्हां नैं ग्लाणा लग्गा, “मत डरा; मेरे चेलेयां नैं जाई नैं ग्ला कि गलील प्रदेसे जो चली जान, तित्थु सैह़ मिन्जो सौगी मिलगे।”

ताह़लू प्रधान याजकां स्याणे माणुआं सौगी किठ्ठे होई नैं सलाह कित्ती कने सपाईयां जो बड़ी चाँदी दित्ती, कने तिन्हां सपाईयां नैं ग्लाया, “तुहां लोकां नैं ग्लानेयों कि राती जो जाह़लू अहां सुतेयो थे, तां तिसदे कुच्छ चेले आई नैं तिसदिया लाह्सा चुराई लेई गै। कने जे एह़ गल्ल पिलातुस हाकमे दे कन्नां तिकर पुज्जगी, तां अहां तिसियो समझाई लैंगे कने तुहां जो खतरे ते बचाई लैंगे।” कने तिन्हां पैसे लेई नैं जिंआं दस्सेया था, तिंआं ई कित्ता। एह़ गल्ल अज्जे तिकर यहूदी माणुआं च प्रचलित ऐ।