Popular Bible Verses from मरकुस 1

Share

कने भ्यागा दिन निकल़णे ते बड़ी पैहल्लैं यीशु उठी नैं इक्क सुनसाण जगाह जो गेआ, कने तित्थु प्रार्थना करणा लग्गा।

कने ग्लाया, “बग्त पूरा होईया, कने परमात्मे दा राज्ज नेड़े आईआ ऐ। मने जो बदला कने परमात्मे दे सुसमाचारे पर बसुआस करा।”

कने जाह़लू यीशु पांणिये ते निकल़ी नैं बाहर आया, ताह़लू तिन्हीं सुअर्गे जो खुलदे कने पवित्र आत्मा जो कबूतरे साइआं अप्पु ऊपर लौंदे दिख्या। कने परमात्मे सुअर्गे ते ग्लाया, “तू मेरा पुत्तर ऐ, जिस नैं मैं प्यार रखदा ऐ, तिज्जो ते मैं बड़ा खुस ऐ।”

मैं तां तुहां जो पांणिये नैं बपतिस्मा दित्ता ऐ अपर सैह़ तुहां जो पवित्र आत्मा नैं बपतिस्मा दिंगा।”

कने यीशु तिन्हां नैं ग्लाणा लग्गा, “मिन्जो पचांह़ चली ओआ; क्जोकि अज्जे ते बाद तुहां माणुआं जो परमात्मे तांई सिष्य बणांगे।” सैह़ तिसी बग्त जाल़ां जो छड्डी नैं यीशुये पचांह़ चली पै।

कने लोक तिसदिया सिक्षा ते हरान होई गै; क्जोकि सैह़ तिन्हां जो सास्त्री माणुआं साइआं नीं, अपर सैह़ सच्चे अधिकारे नैं सिक्षा दिंदा था।