Popular Bible Verses from मत्ती 27

Share

त्रीये पैहर दे नेड़े यीशु बड़े जोरे नैं डड्डी करी ग्लाणा लग्गा, “ऐली, ऐली, लमा शबक्तनी?” मतलब “हे मेरे परमात्मा, हे मेरे परमात्मा, तैं मिन्जो क्जो छड्डी दित्ता?”

कने दिक्खा मंदरे दा पड़दा ऊपरे ते लेई नैं थल्लै तिकर फटी नैं दो टुकड़े होई गेआ, कने धरती हिल्ली गेई कने चट्टाना तिड़की गियां, कने कब्रां खुली गियां, कने मरेयो पवित्र लोकां दी मतिआं लाह्सा जिन्दियां होई गियां

ताह़लू यीशुयैं जोरे नैं डड्डी करी प्राण छड्डी दित्ते।

ताह़लू सूबेदार कने जेह्ड़े तिस सौगी यीशुये दा पैहरा दै दे थे, हिल्लण कने जेह्ड़ा कुच्छ होएया था तिसियो दिक्खी नैं बड़े भरी डरी गै कने ग्लाणा लग्गे, “सच्च-बिच्च एह़ परमात्मे दा पुत्तर था।”

दोपैरा दे बाराह बजे ते लेई नैं दोपैरा दे त्रै बजे तिकर तिस सारे देसे च नेहरा छाई रेह्आ।

पिलातुसैं तिन्हां ते पुछया, “भिरी यीशुये जो, जेह्ड़ा मसीह नांऐ ते जाणेयां जांदा ऐ क्या करैं?” तां सारे तिस नैं ग्लाणा लग्गे, “सैह़ सूल़िया पर टूंगेया जां पिलातुसैं ग्लाया, क्जो तिन्हीं क्या गुनाह कित्या ऐ?” अपर सैह़ होर भी जोरे नैं डड्डी-डड्डी करी ग्लाणा लग्गे, “सैह़ सूल़िया पर टूंगेया जां।”