Popular Bible Verses from यूहन्ना 5

Share

मैं तिज्जो नैं सच्च-सच्च ग्लांदा ऐ, जेह्ड़ा मेरा वचन सुणी नैं मेरे घल्लणे आल़े पर बसुआस करदा ऐ, सदा दी ज़िन्दगी तिसदी ऐ; कने तिस पर सज़ा दा हुक्म नीं हुंदा, अपर तिन्हीं मरने दे बाद भी सदा दी ज़िन्दगी पाई लियो ऐ।

यीशुयैं तिस बमारे जो दिक्खी नैं कने एह़ जाणी नैं कि सैह़ मतेआं दिनां दा इसा हालता च पेआ ऐ, तिसते पुछया, “क्या तू खरा होणा चांह़दा ऐ?”

तुहां पवित्रशास्त्रे च तोपदे हन, कने समझदे हन कि तिस च सदा दी ज़िन्दगी ऐ, कने एह़ पवित्रशास्त्र ई जेह्ड़ा मेरे बारे च गवाही दिंदा ऐ। अपर भिरी भी तुहां सदा दी ज़िन्दगी पाणे तांई मिन्जो अल्ल औणां नीं चांह़दे।

यीशुयैं तिस नैं ग्लाया, “उठ अपणे मंजोल़ूये चुक, कने चल फिर।” सैह़ माणु तिसी बग्त खरा होई गेआ, कने अपणे मंजोल़ूये चुक्की नैं चलणा फिरणा लग्गी पेआ। जिस दिने सैह़ खरा होएया, सैह़ बिस्रामे आल़ा दिन था।

इसा गल्ला पर यीशुयैं तिन्हां नैं ग्लाया, “मैं तुहां नैं सच्च-सच्च ग्लांदा ऐ, पुत्तर अप्पु ते कुच्छ नीं करी सकदा, सिर्फ तिन्हां कम्मां करी सकदा, जेह्ड़ा सैह़ अपणे पिता परमात्मे जो करदे दिक्खदा ऐ। क्जोकि जिन्हां-जिन्हां कम्मां जो सैह़ करदा ऐ तिन्हां जो पुत्तर भी तिसा रीतिया नैं करदा ऐ।