Popular Bible Verses from यूहन्ना 6

Share

यीशुयैं तिन्हां नैं ग्लाया, “मैं सैह़ रोटी ऐ, जेह्ड़ी सदा दी ज़िन्दगी दिंदी ऐ, जेह्ड़ा मिन्जो अल्ल ओंदा ऐ सैह़ कदी भुखा नीं रैंह्गा, कने जेह्ड़ा मिन्जो पर बसुआस करदा ऐ, सैह़ कदी प्यासा नीं हुंगा।

परमात्मे दा आत्मा ई ऐ, जेह्ड़ा सदा दी ज़िन्दगी दैणे आल़ा ऐ, अपर सरीर नीं देई सकदा; जेह्ड़े वचन मैं तुहां नैं ग्लाये सैह़ आत्मिक भी हन, कने सदा दी ज़िन्दगी भी दिंदे हन।

तिस खाणे तांई मेहनत मत करा जेह्ड़ा नास होई जांदा ऐ, अपर तिस खाणे तांई मेहनत करा जेह्ड़ा सदा दी ज़िन्दगिया तिकर बणी रैंह्गा, जिसियो मैं माणुये दा पुत्तर तुहां जो दिंगा, क्जोकि पिता परमात्मैं मिन्जो इसियो दैणे दा हक्क दित्या ऐ।”

क्जोकि मेरे पिता दी इच्छा एह़ ऐ, कि जेह्ड़ा कोई पुत्तरे जो दिक्खगा कने तिस पर बसुआस करगा, सैह़ सदा दी ज़िन्दगी पांगा; कने मैं तिसियो आखरी दिनैं भिरी जिन्दा करगा।”

यीशुयैं तिन्हां जो जवाब दित्ता, “परमात्मे दा कम्म एह़ ऐ, कि जिसियो तिन्हीं घल्लेया ऐ, तुहां तिस पर बसुआस करा।”

जेह्ड़ा कुच्छ पिता मिन्जो दिंदा ऐ, सैह़ सब कुच्छ मिन्जो अल्ल ओंगा, कने जेह्ड़ा कोई मिन्जो अल्ल ओंगा तिसियो मैं अप्पु सौगी रखगा।

शमौन पतरसैं तिस जो जवाब दित्ता, “हे प्रभु अहां कुस अल्ल जान? तेरियां गल्लां तां सदा दी ज़िन्दगी दिंदियां हन।

सदा दी ज़िन्दगी दी रोटी मैं ऐ, जेह्ड़ी सुअर्ग ते लुत्थियो। जे कोई इसा रोटिया च खां, तां सैह़ सदा जिन्दा रैंह्गा; कने जेह्ड़ी रोटी मैं संसारे दे लोकां जो सदा दी ज़िन्दगिया तांई दैणी, सैह़ मेरा सरीर ऐ।”

मिन्जो अल्ल मेरे पिता दी इच्छा बगैर कोई नीं आई सकदा, जिन्हीं मिन्जो घल्लेया ऐ, जाह़लू तिकर पिता तिसियो लेई नीं औयें; कने मैं तिसियो आखरी दिने भिरी जिन्दा करगा।

क्जोकि परमात्मे दी रोटी सैई ऐ, जेह्ड़ी सुअर्गे ते लौई करी संसारे दे लोकां जो ज़िन्दगी दिंदी ऐ।”

मैं सैह़ रोटी ऐ, जेह्ड़ी सदा दी ज़िन्दगी दिंदी ऐ।

ताह़लू यीशुयैं सैह़ पंज रोटियां लेईआं, कने परमात्मे दा धन्यावाद करी नैं बैठणे आल़ेआं जो बंडी दित्तियां; कने तिंआं ई मच्छियां भी जितणियां सैह़ चांह़दे थे बंडी दित्तियां। जाह़लू सैह़ खाई नैं रज्जी गै तां तिन्हीं अपणे चेलेयां नैं ग्लाया, बचेयो टुकड़ेयां बटोल़ी लेआ तांजे कुच्छ भी बरबाद नीं होयैं।

जाह़लू सैह़ किस्तिया चलाई नैं लगभग तीन चार मील गांह निकल़ी गै तां तिन्हां यीशुये जो झीला पर चलदे कने किस्तिया नेड़े ओंदे दिख्या कने डरी गै। अपर तिन्हीं तिन्हां नैं ग्लाया, मैं ऐ डरा मत।