Popular Bible Verses from यूहन्ना 4

Share

परमात्मा आत्मा ऐ, कने इसतांई जरूरी ऐ कि तिसदी अराधना करणे आल़े आत्मा कने सच्चाईया नैं अराधना करन।”

अपर बग्त ओआ दा ऐ, कने हुण भी ऐ, जिस च सच्चे भक्त पिता दी अराधना आत्मा कने सच्चाईया नैं करगे, क्जोकि पिता अपणे तांई ऐदेयां भक्तां जो तोपदा ऐ।

अपर जेह्ड़ा कोई तिस पांणिये च पींगा, जेह्ड़ा मैं तिसियो दिंगा, सैह़ भिरी सदा काल तिकर प्यासा नीं हुंगा; अपर जेह्ड़ा पाणी मैं तिसियो दिंगा, तिस च इक्क पांणिये दा झरना बणी जांगा, जेह्ड़ा सदा दी ज़िन्दगी तांई कुढदा रैंह्गा।”

यीशुयैं जवाब दित्ता, “जे तू परमात्मे दे वरदाने जो जाणदी, कने एह़ भी जाणदी कि सैह़ कुण ऐ जेह्ड़ा तिज्जो ग्लांदा ऐ, ‘मिन्जो पाणी पिया,’ तां तू तिसते मंगदी, कने सैह़ तिज्जो ज़िन्दगी दा पाणी दिंदा।”

यीशुयैं तिन्हां नैं ग्लाया, “मेरा खाणा एह़ ऐ कि अपणे घल्लणे आल़े दी इच्छा दे मताबक चल्लैं कने तिसदा कम्म पूरा करैं।

जणासा तिसियो ग्लाया, “हे सुआमी तिज्जो अल्ल पाणी भरणे जो तां कुच्छ भी नीं ऐ, कने खुअ डुगा ऐ, तां सैह़ ज़िन्दगिया दा पाणी तिज्जो अल्ल कतांह ते आया?

जणासा तिसियो ग्लाया, “मैं जाणदी कि मसीह जिसियो ख्रिस्त भी ग्लांदे हन ओणे आल़ा ऐ; जाह़लू सैह़ ओंगा, तां अहां जो सारियां गल्लां दस्सी दिंगा।” यीशुयैं तिसा नैं ग्लाया, “मैं सैई ऐ जेह्ड़ा तिज्जो नैं ग्ला करदा ऐ।”

“ओआ कने दिक्खा, इक्क ऐदेया माणु ऐ, जिन्हीं सब कुच्छ जेह्ड़ा मैं कित्या ऐ, मिन्जो दस्सी दित्ता। कुत्थी ऐई तां मसीह नीं ऐ?”