Popular Bible Verses from Bahibulu 13

Share

Mutabi buyo basikuyanda mali. Eezyo nzyomujisi nzenzizyo. Nkaambo Leza wakati, “Nsikwe nentikamusiye, alimwi nsikwe nentikamulekelezye pe.”

Jesu Kilisito ngumwi jilo, sunu, abuya myaka.

Aboobo atube aacamba cakwaamba kuti, “Leza ngomugwasyi wangu, taakwe ancenjoowa pe. Ino muntu inga wandicita buti?”

Mutalubi kucita zibotu akugwasyanya, nkaambo eezi nzezipaizyo zibotezya Leza.

Nkaako lyoonse muli Jesu atulumbe Leza, cibe cipaizyo cesu. Kulumba kwesu kube mbuli micelo yabantu bazumina zina lyakwe.

Lukwato kamululemeka nyoonse, baalumi abakaintu babo kabasyomana, nkaambo Leza uyoosubula baamu abasimamambe.

Mutalubi kusamausya beenzu, nkaambo mukucita boobo bamwi bakasamausya bangelo kabatazi pe.

Leza uupa luumuno, wakabusya Mwami Jesu kuzwa kubafu, walo uuli Mweembezi mupati wambelele nkaambo kalufu lwakwe, luli ncitondezyo cisimya cizuminano citamani, Leza ooyo amupe zyoonse zibotu nzyomubula kutegwa mucite nzyayanda. Eelyo kwiindila muli Jesu Kilisito acite muli ndinywe eeco cimubotezya. Kilisito alemekwe lyoonse alyoonse! Akube boobo.