Popular Bible Verses from Jemusi 1

Share

Nobakwesu, kamukkomana nomusikilwa makatazyo manji-manji. Mulizi kuti lusyomo lwanu lwazwidilila mumasukusyo aaya mulaiya kukakatila.

Kuti naa mpali umwi akati kanu uubula busongo, akumbile kuli Leza, uupa kuli boonse kakunyina akubajanina butongo, nkabela uyoopegwa.

Nobakwesu bayandwa, amuzibe eeci, muntu woonse kafwambaana kuswiilila, pele atafwambaani kwaamba, nikuba kunyema.

Nkabela kukakatila ooku kubeleka canguzu kuti mulondoke kamunyina kampenda naa kubula cintu cibisya cimwi.

Mutanoolicengi mukwiide kumvwa majwi buyo, pele kamucita zyaambwa mumajwi aayo.

Ulilelekedwe muntu uuyumina masunko, nkaambo azunda uyoopegwa musini wabuumi, ooyo Leza ngwaakasyomezya kuli baabo bamuyanda.

Zipego zyoonse zibotu, zilondokede zilazwa kujulu kuli Taata wakalenga mimuni, walo uutasanduki alimwi kubala kwakwe takuzimaani aasyoonto mbuli cimvule.

Nkaambo kuti naa muntu kaswiilila buyo majwi akutacita nzyaamvwa, ulikozyenye amuntu uulilanga mucimboni-mboni, amana kulibona ulazwa, eelyo cakufwambaana waluba mbuli mbwaabede.

Bukombi bwini-bwini bulondokede kuli Leza Taata mboobu: muntu abambe bamusyaala abamukabafu mumapenzi aabo, akulibamba cakubula kampenda kuti ambweni bubi bwaansi ano bulamusofwaazya.

Kuti naa muntu wasunkwa ataambi kuti, “Ndasunkwa a Leza.” Nkaambo Leza takonzyi kusunkwa kuti abisye pe, alimwi lwakwe mwini tasunki muntu. Pele muntu amuntu ulasunkwa ciindi naongelezegwa akucegwa azisusi zyakwe mwini.

Mukwesu mmucete akondwe ciindi Leza namusumpula