Popular Bible Verses from Lyuk 7

Share

A de tɛl yu se, di tin we dis uman du we sho se i lɛk mi bad pruv se Gɔd dɔn padin in plɛnti sin dɛn. Pɔsin we nɔ sin plɛnti, we Gɔd dɔn padin, nɔ go lɛk mi bɛtɛ.” Jizɔs tɔn to di uman. I se, “Gɔd dɔn padin yu sin dɛn!”

Jizɔs se, “Uman, bikɔs yu biliv pan mi, Gɔd dɔn sev yu. Saful ya, go wit kol at!”

Di uman go butu klos Jizɔs in fut ɛn bigin kray bita wan saful saful. Di wata we kɔmɔt nain yay sok Jizɔs in fut. I tek in ia wep Jizɔs in fut, dɔn i kis Jizɔs in fut fɔ sho se in rɛspɛkt am, dɔn i tek di sɛnt na di bɔtul ɛn rɔb ɔl na Jizɔs in fut.

a nɔ fit fɔ go klos yu. If yu jɛs tɔk wan wɔd nɔmɔ, mi bɔy go wɛl. Misɛf na pɔsin we gɛt bigman dɛn we gɛt pawa oba mi ɛn a gɛt soja man dɛn we de ɔnda mi. A kin tɛl wan se, ‘Go!’ Ɛn i kin go; a kin tɛl ɔda wan se, ‘Kam!’ Ɛn i kin kam; ɛn a kin tɛl mi bɔy se, ‘Du dis wok!’ Ɛn i kin du am.” Wɛn Jizɔs yɛri ɔl wetin di ɔfisa tɔk, i wɔnda. Nain i tɔn to di pipul dɛn we bin de fala am ɛn se, “A de tɛl una, a nɔ si pɔsin na Izrɛl wande we biliv Gɔd traŋa wan so lɛkɛ dis man.”

Da sem tɛm de, Jizɔs bin de mɛn plɛnti pipul; i mek dɛn wan we sik wɛl, i drɛb dɛbul kɔmɔt insay sɔm pipul, ɛn i mek plɛnti dɛn blɛnyay pipul si. I tɛl Jɔn in lanin bɔy dɛn se, “Una tɔn bak go tɛl Jɔn ɔl wetin unasɛf dɔn si ɛn wetin una dɔn yɛri; dɛn blɛnyay pipul de si, dɛn pipul we nɔ bin ebul waka, de waka, dɛn wan we gɛt bad sik na dɛn skin dɔn wɛl, dɛn dɛf pipul dɔn yɛri, dɛn dayman dɔn gɛt layf bak, ɛn dɛn po pipul dɔn yɛri di Gud Nyuz.