Popular Bible Verses from Lyuk 6

Share

Una gi ɛn Gɔd insɛf go gi una, ɛn dɛn tin we i gi una, go so plɛnti, i go jɛs tan lɛkɛ wɛn dɛn ful kitul wit sɔntin, dɛn prɛs am, dɛn shek am ɛn i rɔnoba. If una gi plɛnti, Gɔd go gi una plɛnti; if una nɔ gi plɛnti, Gɔd nɔ go gi una plɛnti.”

Gud pɔsin de du gud bikɔs gud de nain at ɛn bad pɔsin de du bad bikɔs na bad ful nain at. Wetin de na pɔsin in at, we i de mɛmba ɔltɛm, nain de kɔmɔt nain mɔt.

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Una fɔ sɔri fɔ pipul lɛkɛ aw una Papa Gɔd de sɔri fɔ ɔlman.

“Una nɔ jɔj ɔda pipul ɛn Gɔd insɛf nɔ go jɔj una. Una nɔ kɔndɛm ɔda pipul ɛn Gɔd insɛf nɔ go kɔndɛm una. Una padin ɔda pipul ɛn Gɔd insɛf go padin una.

“Bɔt a de tɛl una we de lisin mi se, una fɔ lɛk dɛn wan we de fɛt una ɛn una fɔ du gud to dɛn wan we nɔ lɛk una. Una fɔ blɛs dɛn wan we de kɔs una ɛn pre fɔ dɛn wan we de trit una bad.

Dɛn tin we una want mek ɔda pipul du to una, nain una fɔ du to dɛn.

If ɛnibɔdi slap yu na wan jɔ, yu fɔ tɔn di ɔda wan gi am fɔ mek i slap insɛf. If ɛnibɔdi tek yu klos we yu wɛr pantap, yu fɔ gi am di wan we de bɔtɔm, mek i tek insɛf. If ɛnibɔdi aks yu fɔ ɛnitin, yu fɔ gi am, ɛn if ɛnibɔdi tek tin we na yu yon, yu nɔ fɔ aks am fɔ gi yu bak.

“Gud tik nɔ de bia bad tin fɔ it ɛn tik we nɔ gud nɔ de bia gud tin fɔ it.

Yu go no if tik gud ɔ i nɔ gud bay di tin we i de bia. Pɔsin nɔ go pik fig pan tik we gɛt chuk chuk, ɛn pɔsin nɔ go pik greps pan bush we gɛt chuk chuk.