Popular Bible Verses from Lyuk 8

Share

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Dɛn wan we fɔdɔm pan chuk chuk bush na dɛn pipul we yɛri Gɔd in wɔd bɔt waala, jɛntri, ɛn ɛnjɔymɛnt na wɔl kil di wɔd na dɛn at ɛn mek dɛn nɔ ebul du plɛnti tin fɔ Gɔd.

Dɛn sid we fɔdɔm pan ston ston na dɛn pipul we yɛri Gɔd in wɔd; dɛn gladi ɛn biliv am, bɔt dɛn tan lɛkɛ tin we fɔ gro bɔt we nɔ gɛt rut; dɛn kin biliv fɔs, bɔt wɛn Setan tray dɛn lili bit nɔmɔ, dɛn nɔba biliv igen.

Jizɔs aks in lanin bɔy dɛn se, “Wetin mek una nɔ biliv pan Gɔd?” Ɔl di lanin bɔy dɛn wɔnda, dɛn fred, dɛn bigin tɔk saful se, “Uskayn man dis? I de tɛl briz ɛn wata wetin dɛn fɔ du ɛn dɛn de du am!”

Dɛn sid we fɔdɔm na di rod na dɛn pipul we yɛri Gɔd in wɔd; Setan kam pul di wɔd kɔmɔt na dɛn at fɔ mek dɛn nɔ go biliv Gɔd we de sev dɛn.

“Natin nɔ de we ayd we pɔsin nɔ go no bɔt ɛn natin nɔ de we pɔsin du na dak, we nɔ go kɔmɔt na layt.

Di uman we tɔch Jizɔs si se Jizɔs no wetin i du. I bigin trimbul ɛn kam fɔdɔm na Jizɔs in fut, ɛn tɔk bifo ɔlman wetindu i tɔch Jizɔs ɛn aw i wɛl as i tɔch Jizɔs so. Jizɔs tɛl di uman se, “Mi pikin, bikɔs yu biliv, yu dɔn wɛl. Go naw wit kol at, ya!”

Nain di lanin bɔy dɛn go wek Jizɔs. Dɛn ala se, “Masta, Masta, na day wi de day so!” Jizɔs grap, i tɛl di big briz ɛn di swɛlin dɛn fɔ stɛdi; na de di briz tap fɔ blo wantɛm ɛn di swɛlin dɛn go dɔŋ.