Popular Bible Verses from Lyuk 23

Share

Jizɔs se, “Papa, padin dɛn pipul ya bikɔs dɛn nɔ no wetin dɛn de du.” Di soja man dɛn ib days fɔ pik di pɔsin we go gɛt Jizɔs in klos.

Jizɔs ansa am se, “A de tɛl yu se, fɔ tru, tide yu go de wit mi na ɛvin.”

Dɛn i tɔn to Jizɔs ɛn se, “Jizɔs, duya, mɛmba mi, sa, wɛn yu kam wit pawa fɔ rul lɛkɛ Kiŋ!”

Jizɔs ala se, “Papa, na day a de day so, tek mi spirit!” As i tɔk dɔn so, nain i day.

Wɛn dɛn rich na di ples we dɛn kɔl “Di ples we tan lɛkɛ mɔtalman ed,” na de dɛn nel dɛn tri, ɔlman pan in yon krɔs. Dɛn put wan wikɛd man na Jizɔs in raytan, dɛn put di ɔda man na Jizɔs in lɛfan.

Na bin lɛkɛ twɛlv oklɔk santɛm so, di san tap fɔ shayn, ɔl di kɔntri dak sote tri oklɔk. Di tik, tik kɔtin we bin ɛŋ insay Gɔd in Os chɛr midul kam dɔŋ.

Wɛn di bigman fɔ dɛn soja man si wetin bi, i tɛl Gɔd tɛnki, i se, “Fɔ tru, dis man ya nɔ bin du ɛnitin bad.”