Popular Bible Verses from Lyuk 22

Share

i se, “Papa, if yu gri, duya, nɔ mek a sɔfa dis sɔfa we a fɔ sɔfa, bɔt ɛniwe, nɔ du wetin a want, du wetin yu want.” [

Bɔt a dɔn pre fɔ yu Saymɔn mek yu nɔ tap fɔ biliv mi. Wɛn yu dɔn biliv mi traŋa wan, tray mek yu brɔda dɛnsɛf biliv mi traŋa wan.”

Jizɔs tek bred ɛn wɛn i dɔn tɛl Gɔd tɛnki, i kɔt, kɔt am gi in apɔsul dɛn ɛn se, “Dis bred na mi bɔdi [we a dɔn sakrifays fɔseka una. Una fɔ de it am fɔ mɛmba mi.”

Semwe so, wɛn dɛn dɔn it di Pasova it dɔn, Jizɔs tek di kɔp ɛn tɛl dɛn se, “Di wayn we de na dis kɔp na di nyu agrimɛnt bitwin Gɔd ɛn mɔtalman we a mek wit mi blɔd wɛn a gri fɔ mek pipul kil mi.]

Jizɔs in at bin ebi, bɔt i pre mɔ wit ɔl in at pas aw i bin pre fɔs; in swɛt kam tan lɛkɛ blɔd, we bin de fɔdɔm plɛnti plɛnti na grɔn.]

Bɔt nɔto so i fɔ bi wit una, di pɔsin we sinyɔ pas ɔl fɔ bi lɛkɛ di pɔsin we juniɔ pas ɔl ɛn una masta fɔ bi lɛkɛ una savant.

Jizɔs ansa am se, “A de tɛl yu, Pita, tide fɔl nɔ go kro yet, yu go dɔn tɔk tri tɛm se yu nɔ no mi.”