Popular Bible Verses from Mat 18

Share

Nîkwîthîrwa arîa antû baîrî kana bathatû boothûranaga nîûntû bwa riîtwa rîaakwa nî mbîthagîrwa ndî amwe nabo.”

Ningî ndîbwîra atî antû baîrî bakëeja gwîtîkanîîria barombere ûntû kinya bûrîkû aja nthîgûrû, Baaba ûrîa ûrî îgûrû akabathithîria ûntû bûu.

Rîu Jesû areeta kaana kaniini na karî au mbere yaao, arabeera, “Ndîbwîra na mma atî bûkarega kûgarûka bûkara ta twaana tûniini, bûtîkorokûrûka Ûneneene bwa îgûrû.

Ûrîa ûkainyiiyia akare ta kaana gaka, nîwe mûnene nkûrûki ya bangî bonthe Ûneneene bwa îgûrû.

Ûrîa ûgwataga kaana ta gaka ûgeni, nîûntû bwaakwa, nî ni agwataga ûgeni.”

“Ndîbwîra na mma atî kîrîa bûkaregana nakîo aja nthîgûrû gîtîtîkîîrua îgûrû, na kîrîa bûgetîkîîria aja nthîgûrû gîgetîkîîrua îgûrû.

Ûu nîu Baaba ûrîa ûrî îgûrû akathithîria o muntû wonthe ûrîa ûtîrekera muntû ûngî na nkoro yaawe yonthe.”

“Îndî ûrîa ûgatûma ûmwe wa baba baanini barîa bambîtîkîtie beeyia, bûrîngîagîra muntû ta ûu akaogeerwa iiga rîrînene nkingo na akagerwa îrieene ndeene buru.

Û mbîreeni! Muntû akëethîrwa arî na ng'ondu îgana rîmwe, na îmwe yaacio îkaûra rî, athithagia atîa? Tîka atigaga ng'ondu iu ingî mîrongo kenda na kenda kûû irîmeene na ageeta gûcwaa îrîa yûûrîte?