Popular Bible Verses from Mat 17

Share

Jesû arabacokeeria, “Nîkwîthîrwa wîtîkio bweenu nî bûbûkai. Ndîbwîra na mma atî, bûkëethîrwa bûrî na wîtîkio bûng'ana ta gapîndî ka mûthandûkû, bwoomba kwîra kîrîma gîkî, ‘Kûûka uume aja, na wîte arîa!’ Nakîo gîgaakûûka na gîte. Gûtî ûntû kinya bûmwe bûkabûrema kûthithia. [

Peterû akîaragia o ûu, îtu rîrîerû rîrabakunîkîra, na kajû karaigîgua kaumîte îtuune rîu gakiugaga, “Ûjû nî Mûtaana waakwa ûrîa mpendeete na nî ngwîragua nîwe, mûthikagîîreni.”

Jesû arauga, “Îbuî nthuukî îtî wîtîkio na yaangaratanîte! Ngakara naabuî mwanka rî? Ngeteera mwanka rî bûgîa na wîtîkio? Ndetereni mwana ûu aja.” Jesû aragondokera roho îîu, nayo îrauma kîrî mwana ûu o rîu.