Popular Bible Verses from Mat 19

Share

Jesû arabaraithîîria arauga, “Kîrî antû, ûntû bûu bûtîûmbîka, îndî kîrî Mûrungu mantû jonthe nî jombîkaga.”

Tontû bûû, batîkoroaa baîrî kaîrî, îndî bagakara barî mwîrî jûmwe. Tontû bûû, gûkágîta muntû waathûûrana kîrîa Mûrungu agwatîthanîtie.”

Jesû arabacokeria, “Ka bûtathoma maandîko bwona atî Mûrungu ûrîa waaboombîre, oombîre ntomûrûme na mûka? Ningî nî kwaandîki, ‘Tontû bwa gîtûmî kîu ntomûrûme agatiga îthe na ng'ina, na agwatane na mwekûrû waawe, na bobaîrî baee mwîrî jûmwe?’

Jesû arauga, “Rekeeni twaana twîje kîrî ni, na bûgatûrigîîria nîkwîthîrwa Ûnene bwa îgûrû nî bwa twaana ta tûtû.”

Îndî babaingî barîa barî mbere bakaa ba mûthia, na barîa barî ba mûthia bae ba mbere.”

O muntû ûrîa ûtîgîte nyomba yaawe, kana agatiga îthe na ng'ina kana agatiga ataana na aarî ba ng'ina, kana aana baawe kana agatiga miuunda nîûntû bwaakwa, akarîwa mainda îgana, na aewe ûtûûro bwa kenya na kenya.

Jesû aramwîra, “Ûkëenda kwaa ûmwagîru buru, îta wendie into biaaku na ûgaîre nkîa mbeecha iu, naagwe ûkeethîrwa ûrî na ûtonga îgûrû; rîu wîîje ûnthingate.”

Jesû aramwîra, “Nîkî ûkûmbûûria mantû jegiî ûntû bûbwega? Kûrî ûmwe akî ûrî ûmwega. Ûkëenda kwona ûtûûro bwa kenya na kenya, thingata Maathana.”

Kaîrî ndîbwîra atîrî, bûrî inya mono gîtonga gûkûrûka Ûneneene bwa Mûrungu, o ta ûrîa bûrî inya nkamîîra gûkûrûkîîra gakuthoone ga cindano.”

Ndîbwîra atî, o muntû ûrîa ûkeenga mwekûrû waawe, nîûntû bwa gîtûmi kîngî tiga kîa ûthûngîîri, na nyumeene agûre mwekûrû ûngî, muntû ûu nîka akûthûngîîra.”

Rîu Jesû areera aritwa baawe atîrî, “Gankûbwîra na mma atî gûkeethîrwa kûrî na inya mono gîtonga gûkûrûka Ûneneene bwa îgûrû.