Popular Bible Verses from ROMANIK 6

Share

Amu melektab tengek ko meet; ago konunetab chamnyet ne bo Jehovah ko sobondab koigeny eng’ Kristo Jesu Kiptaiyandennyo.

Amu matinyei tengek bounatet eng’ okwek: amu ma omi eng’ Ng’atutik, ago eng’ mieindo.

Noto anyun kigetubech koboto inendet eng’ kabatisanet agoi meet: si ko u ye kiging’eet Kristo eng’ che kibek eng’ torornatetab Kwanda, ko u noto, kibendoti agachek eng’ sobondo ne leel.

anan ogochi tengek kebeberwekab borwekwok koek karik che ma bo iman; ago ogochige Jehovah, ko u che soptos che kamong’une che kibek, ak ogochi Jehovah kebeberwekab borwekwok koek karikab imanda.

kingen ni, kele kigigartat chinnyo ne bo keny koboto inendet, si kong’emak bortab tengek, si mata koratech tengekto kogeny.

Ko u noto oiityige ak okwek ole kiobekyi tengek, ago osoptosi eng’ Jehovah eng’ Kristo Jesu.

Kimwae nee anyun? Kitebi eng’ tengek, si kobiit kotesak mieindo? Achicha, ma u noto. Achek che kigebekyi tengek, ko ta kesoptoi ano eng’ tengek?

Mongen ole, inendet ne ogochinige oegu otwogik agoi kasetab it, ko o otwogikab inendet ne ogase it; ngo bo tengekto agoi meet, anan ngo bo kasetab it agoi imanda?

Ago kimwachini Jehovah kongoi, amu, okwek che ki o otwogikab tengekto, ko kiogas it eng’ muguleldo konetisiet ne u ne kigegonok okwek; ak ye kingitiachak eng’ tengek, oegu otwogikab imanda.