Popular Bible Verses from ROMANIK 5

Share

Ago iboruech achek Jehovah chamnyennyi, amu ye kita ko ki kiptengeginik, kome Kristo agobo achek.

magonu kamang’unet kililan; amu kigerong’ji chamnyetab Jehovah mugulelwekyok eng’ Tamirmiriet ne Tilil ne kigegonech.

Ak ma u noto kityo, ago ongeboiboitu eng’ nyalilwogikyok: kingen kele ibu nyalilda muitaet; ak ibu muitaet tiemisiet; ak ibu tiemisiet kamang’unet

Kitinye kalyet ak Jehovah eng’ Kiptaiyandennyo Jesu Kristo amu kigiityech imanda eng’ kayanet; ak kigenyoru eng’ inendet agine kemong’ji eng’ kayanet mieinoto kitonone; ak ongeboiboitu eng’ kamang’unetab torornatetab Jehovah.

Amu ye kita ko ki nyalulyotin, kome Kristo agobo che yaachen eng’ betut ne kiga kelewen.

Ak ne siirei mising’ anyun, ko kagiityech imanda eng’ korotikyik, kesoruech eng’ neregekab Jehovah eng’ inendet.

Amu ko u ye kiek che chang’ kiptengeginik eng’ bistoetab chito agenge, ko u noto kiyaei che chang’ kobunji imanda eng’ kasetab it ne bo agenge.

Ak ma u noto kityo, ago kiboiboi agachek eng’ Jehovah eng’ Kiptaiyandennyo Jesu Kristo, amu kigenyoru eng’ inendet katuiyet.