Popular Bible Verses from LUKA 4

Share

“Hi Wi 'da Nwa Gale ngɔ mi boe, a saka mi na, mi be Dia Sakoe hã owi sãnɔ. A tumba mi na, mi tɔ̃ hã owi bɔlɔkɔ na, wa hɔa nza kɔ bɔlɔkɛ ia, nɛ mi hũi li owi lɔa linɔ na, wa zɔ mɔ, nɛ mi fo owinɔ kɛ ogele wele wa zɛlɛ tɛ wa ni ti kɔ̃ Owi zɛlɛ tɛ wa do'do. Nɛ mi be 'bɔ hã owinɔ na, ngba soe kɛ Gale nɛ be do dia zã 'da a ni, ma wia ia.”

Nɛ Yezu gese hã a na: “Wa kɔma kɔ 'Buki na: ‘Mɔ dɔnggɔ sɛ Nwa Gale 'da mɔ, nɛ mɔ sambala tati a a zu a kpo.’ ”

Nɛ Yezu gese hã a na: “Wa kɔma kɔ 'Buki 'da Gale na: ‘Wele kpásá tati a we nyɔngɔmɔ iko gɔ.’ ”

Yezu nɛa we hɔ nza 'dɔ lì Yɔrdanɛ, nɛ ngawi 'da Hi Wi Santo dunu kɔ a, nɛ a kã a dɛ li gba zɔ̃ i.

Nɛ Yezu gese hã a na: “Wa kɔma 'bɔ kɔ 'Buki na: ‘Mɔ tɛ yàmbà Nwa Gale 'da mɔ gɔ.’ ”

Satana yamba Yezu do walanɔ ni vɛ̃ ia do'do, nɛ a la a we 'bɔ 'da mbé 'da fala.

Nɛ Satana ba Yezu dɛ li ngɔ i, nɛ a bia lenɔ ngɔ nù gɛ hã a vɛ̃ 'da kala gɔ, nɛ a tɔ̃ hã a na: “Fala kɛ mɔ dɔnggɔ mi, nɛ mi hã sɛ lenɔ gɛ, do dɔ̃lɔ̃ li 'da ma vɛ̃ hã mɔ, nɛ mɔ dungu nwa ngɔ nɛ. We kɛ wa 'dɔlɔ ma vɛ̃ hã mi, nɛ mi wia we hã ma hã wi kɛ zã mi kɔ̃a a ni.” Nɛ Yezu gese hã a na: “Wa kɔma kɔ 'Buki na: ‘Mɔ dɔnggɔ sɛ Nwa Gale 'da mɔ, nɛ mɔ sambala tati a a zu a kpo.’ ”

Nɛ Satana ba 'bɔ a, nɛ a la do a dɛ kɔ le Yeruzalɛmɛ, nɛ a e a gbogbo zu tɔa Tɛmpɛlo i, nɛ a tɔ̃ hã a na: “Fala kɛ mɔ a ngbongbo Be 'da Gale, nɛ mɔ bṹlṹ, kɔ mɔ zĩ nù. We kɛ wa kɔma kɔ 'Buki na: ‘Gale a a sɛ oanzɛnɔ 'da a na, wa zɔ mɔ tɛ mɔ. Wa kpɔ sɛ kɔ̃ wa ti mɔ dɛ li ngɔ gɛ na, dɔ mɔ tó nyanga mɔ do ta gɔ.’ ” Nɛ Yezu gese hã a na: “Wa kɔma 'bɔ kɔ 'Buki na: ‘Mɔ tɛ yàmbà Nwa Gale 'da mɔ gɔ.’ ”