Popular Bible Verses from LUKA 3

Share

Dati kɛ na, Herodɛ fi Yoanɛ bɔlɔkɛ ni, nɛ nde Yoanɛ batisa Owele wena, nɛ 'do nɛ, nɛ a batisa 'bɔ Yezu. Nɛ Yezu ma ngɔ sambala Gale, nɛ li nza ma hũi, nɛ Hi Wi Santo zĩlĩ dɛ ngɔ Yezu, nɛ wa zɔ a ɔ nɛ gbakulĩ ni. Nɛ wala gɛlɛ wele wila li nza i na: “Mɔ a Be 'da mi, kɛ mɔ ngɔ sila mi, nɛ mi do yangga wena we mɔ.”

Nɛ Yoanɛ tɔ̃a hã winɔ vɛ̃ na: “Mi gɛ, mi batisa nɛ do lì, nɛ nde mbe wele kpo a hɔ sɛ 'do mi gɛ, nɛ a batisa sɛ nɛ do Hi Wi Santo, fala nɛ kpo do we. A nɛa ngɔ mi do ngawi wena, nɛ mi hɔ̀ wi kɛ mi bulu fɛlɛ ngɔ mɔ nyanga wi 'da a gɔ.

Nɛ dɛ́ mɛnɔ kɛ ma be na, nɛ kifi sila nɛ do gbãlã we ni. Nɛ nɛ tɛ sì tɛ tɔ̃ na, lo a obe zã Abrahama iko gɔ, we kɛ mi tɔ̃ hã nɛ na, Gale wia tɛ kala otanɔ gɛ, nɛ a kifi do obe zã Abrahama!

Wa 'dafa kpɛnɛmɛ ia! Tenɔ vɛ̃ kɛ wala nɛ dè gɔ ni, wa gɔmɔ sɛ ma dɛ gulu nɛ, nɛ wa da ma li we.”

Ma ɔ nɛ kɛ Ezai, wi gba olo nu Gale kɔma zi kɔ 'buki 'da a na: “Mbe wele kpo tɛ he mɔ tɛ li gba zɔ̃ i na: ‘Nɛ 'dáfá li wala 'da Nwa, kɔ ma bɔlɔ! Wa kpe sɛ gbangɔlɔ̃nɔ vɛ̃, nɛ wa gbɛsɛ sɛ kalanɔ do otɔ̃nɔ vɛ̃. Wa 'dafa sɛ gu walanɔ, nɛ ma bɔlɔ, nɛ wa kpe gɔtɔ kɔ̃nɔ, nɛ ma lɔ. Nɛ winɔ vɛ̃ wa zɔ sɛ tɛlɛ tɛ kɛ Gale kpasa do wa ni.’ ”