Popular Bible Verses from YOHANES 14

Share

Honori men mangno atuk ane An lik oho lit hit hunubam emberuk lahi. Mangno atuk ane An nubam werehon hit og hisaruk lahi. Anden hit hininggikmu emberuk lahiyon aru kinangmonen og hisarukon men wirim teg eleg. Hinindi yuk lalug henekol toho welam fug.

Kapal hibagma Yesusen, ”Kebunggalem fanowon men tem toho uruk ane men An welahi. Mondabi honoluk welamuhubon fahet An welahi. Ap san Nikni ambeg lamin peruk halug An fahet apelegma la fug teg.

”Nori, hinindi yuk la fug, Allah ubam hinindimu wenggel hemek, An nubam oho hinindi wenggel hemek.

An nunuk fam Nikniyen let heneptukon Allah hime fanowon ino pilabik waruhu. Anden tam hiyag hisarikikon Aren eneg honolukap heneptuk lit mun ane man ane hiyag hisaruk laruhu.

Ap sa Anden komo eneptikik ane roho turuk laruhu halug at inowen An indi nasug laruhu. Ap san An indi nasug laruhu halug at ino oho Nikniyen indi reg laruhu. Anden oho at nindi reg lit An fahet at indi anggarap tuhuk,” ulug hiyag isibag.

Hit fahet Anden Nikni fam heng tuhukmu ap misig eke hit likiya hupmu let heneptuk laruhuwon ino og hisahu. Og hisahu ihiyon ari Allah hime fanowon tem toho perukon ino og hisahu. Ap kinangmon inindi anggat teg eleg lit yet haruk elehen At ino it unubam wambik wam fug teg. At ino hit men wereg lit fet henesuhon ino hiren yet haruk lahep.

Amloho unuk fam Ikni palimu aruhuwen hiren An nunuk fam heng nabuhubon Anden og hisahuk. Nungge-nungge An nunuk fam heng nabuhupmu Anden og hisahuk.”

”Hiren An hinindi nasug lamuhup halug Anden komo heneptikikon hikit toho turuk lamuhup.

Nikni wereg ambeg kolo regma anggolo wereg. Kolo regma eleg lalepman nangginoho hit hunubam Anden hiyag hesele. An tam lahukteg hit welamuhup ambeg kolowap turuk laruhuk.

Hit welamuhup ambeg kolowa fuhukteg hit An men ambiyeg welamuhuk ulug suhuloho waruhukteg hondog henebik waruhuk.

Ari ibagma Tomas inowen, ”Nowe, lahun ambeg nit nenepeleg angge famen kebunggalem honoluk ehenon kema lahunen ehen?” ulug kapal hibag.