Popular Bible Verses from YOHANES 13

Share

Aben hit komo henepfag fuhon Anden keron tu komo heneptuk lahi: Hit-hit hinindi roho welamuhup. Anden hit nindi henesug lahi hag toho hiren oho hit-hit hinindi roho welamuhup. Hit-hit honori hinindi roho weregma yet hisahupteg ap obog tohowen Yesus otsi tuma wereg puhup,” ulug Yesusen hiyag isibag.

An Hinikni Honowe welahiyon inowen hunuyug umag henebihimu hiren oho hit-hit hunuyug umag-umag atuk lamuhup. Anden hit hunubam tihi ane aru hiren oho aru hag toho turuk lamuhup ane fahet wirimangge hiyag hisihi.

Ari ibagma Yesusen, ”Anden turuk lahi ane ari hat ketiya hapeleg angge famen fobik hindi anggar aruhu,” ibag.

Ikni apma weregma amingmingangge palimu welam fug teg. Lalihip ulug mon eneptuk ahun apma weregma laruk inap palimu welam fug teg. Ari tem toho hiyag hisaruk lahi.

Hiyag hisihi ane ari hinindimu honoluk toho welamuhup halug hininggik fam turuk lamuhupmu eneg fano welamuhup.

Oluk atfagma in atfareg sum ebemon nonggoloho imbisibareg sum siyahon eke alunggu ke pug tibareg ik hililoho kubag fam kilapfareg otsi unuyug ke umag enebil laruk latfag. Umag enebil laruk lit sum alunggu ke pug tibahon ino fam ho enebil laruk latfag.