Popular Bible Verses from YOHANES 15

Share

An hele alem welahimu hit inggik welahep. Ap sa An men weregma An oho at ino min welaruhuk halug anggen anggolo yihik feruk laruhu. An hit men wereg laruhuk fug halug henemu nungge-nungge tuk fug teg lamuhup.

Hit An men welamuhupmu An hit men welaruhuk. Hele inggik uwag famen kong toho weregma anggen uk fug teg hag toho hir oho An min mangno roho welamuhup fugmu anggen uk fug teg lamuhup.

Hit An men wereg lit nawene hinindimu wenggeltuk lamuhupteg hiren heng tul puhup angge heng nabuhupmu Anden og hisahuk.

Hiren An mumal naptikip fug, Anden hit mumal heneptikik. Hit lahupteg anggen yihik feruk lamuhupmu mondabi fano welaruhuwon fahet unduhuk hunubaharikik. Anggen yiko welamuhubonen An nunuk uruk lit Nikni fam heng tuhupmu Aren og hisahu.

Ap misihen ori indi enesug lit nori fahet fano nuwabukag peruk ahun ino hag toho ap misihen oho ori indi enesuhon wereg eleg.

An alem weregma inggik nubam wilibig angge famen anggen yihik feruk elehon Nikniyen kong tebesuhu, inggik anggen yihik ferukon nin anggolo yihik fukag ulug ulu puhun tebuhu.

Anden hit nindi henesug lahi hag toho hiren oho hit-hit hinindi roho welamuhup ulug komo heneptuk lahi.

Anggen anggolo yiko welamuhubon ariyen An Nikni unuk palimuwap tuhup. Ari roho welamuhupmu hit An notsi welamuhup.”

”Hele anggur anggen urukon alem fanowon An welahimu Nikni ino yabuk ngi ahun wereg.

Ap sa An men wereg eleg halug hele inggik kong toho hik isarukon hag toho wereg. Inggik ino lilog atuk halug aben andog toho indok yale fesuhupmu nahu.

An nahiyeg toho welahi hag toho hir oho mondabi henehiyeg toho welamuhup ulug obog toho aru hiyag hisaruk lahi.

Anden komo heneptuk lahiyon hikit toho turuk lamuhupmu nindi henesug lahiyon men mangno roho welamuhup. Ari hag toho Nikniyen komo naptukon hikit toho turuk lahimu Aren An indi nasuhon fam welahi.

Anden komo heneptuk lahiyon aru hit-hit hinindi roho welamuhup ulug komo heneptuk lahi.”

Hit ap kinangmon hag toho welalepma hit hunubahet ap kinangmonen niron ulug inindi henesug lalep. Anden hit mumal heneptikikmu ap kinangmon hag toho welahep fuhon ariyen aben hit fahet ninirim peruk lit wereg.