Popular Bible Verses from KAL᷊AL᷊AHE 5

Share

I sire nuhengke u simbau samperi ko wuhu: “I kau botonge mangal᷊a buki e'e dang muhose manga segeli. Watu u I Kau seng nipate, dang dingang u kapapate-Ngu, taumata bou patiku komol᷊ang, bahasa, wanua dang bangsa seng nil᷊uangeng i kumu guna-Ngu Mawu Ruata.

Dang i sire e'e kasampere dingang u tingihi ko mauha, “Ahusu u Domba ko seng nihata e'e, hinonge manarima kawasa, kakakala, kapapilesa l᷊au katatoghasi; I sie hinonge adateng, wantughang dang idalo!”

I kau seng nukoa si sire simbau bangsa ko nitantu makoa manga imam, tadeau i sire mutangkiang Mawu Ruata ngi kite, dang mamarenta su wawo u dunia.”

Bou e'e ia nakaringihi kaul᷊ie niriadi su l᷊angi, su dunia, ko su wal᷊a ngu dunia dang su l᷊al᷊ung u l᷊auri – pol᷊onge patiku ko niriadi su kaul᷊i u dunia i'i – kasampere, “I Sie kakangiang su kararatuang, dingang u Ahusu u Domba e'e, Ko dalong dang adateng wantughang dang makawasa sarang panginsuenge!”

Bou e'e singkatau su tal᷊oara u manga pangaha e'e nangul᷊i si sia, “Kumbahang sumangi! Tuhunge! Singa bou komol᷊ang u Yehuda, e'e ko hintou ngi Daud ko mawantughi, seng nakauntung. I Sie botonge muhose segeli pitu e'e dingang u makawingkahi buki e'e.”