Popular Bible Verses from KAL᷊AL᷊AHE 6

Share

Ia nakawua, bou e'e nikawua simbau kawal᷊o ko wintoghi. Sumasakenge arenge Papate. Bou l᷊ikure, i sie nituhukang masandi-sandighi Dunia ngu Papate. Dunia i'i nipahia pa, simbau nisarakang si sire, tadeau i sire botonge mamate su l᷊al᷊ung u pusaseketang, su l᷊al᷊ung u kal᷊ahutung, su l᷊al᷊ung u tempo ngu sahinda dang su l᷊al᷊ung u manga binatang wawahani.

Kuteu ia nakawua, bou e'e nikawua simbau kawal᷊o mawira, Sumasakenge kapuhinggonge simbau papiti, dang si sie nionggol᷊ang u simbau mahkota. I sie nul᷊umempang kere singkatau ko nakauntung tamai nangaho kal᷊untung.

Bou e'e Ahusu u Domba e'e nuhose segeli kal᷊imange. Kute ia nakawua su l᷊ungang ngu mezba pia manga himukuru taumata ko nate nipate watu u i sire nanoghasi tatanata-Ngu Mawu Ruata ual᷊ing u kasaksiangi sire.

I sire nukumiha dingang u tingihi ko mauha, “Oh Mawu ko Makawasa, ko susi dang ko nuhino! Kirapa kal᷊iwuenge l᷊ai, mbuhue I Kau mamonesi tataho u dunia dang muhukung i sire ual᷊ingu i sire seng namate si kami?” I sire singkatau-singkatau nionggol᷊ang u juba mawira. Bou e'e i sire niparentang pangindul᷊e singkodo l᷊ai, sarang seng matimu rekenang manga ghawe singkahal᷊i i sire dingang u ana u simbau i sire ko sarung pateng kere i sire.

Bou e'e simbau kawal᷊o ko wal᷊inge nusumuwang l᷊ai. Kawal᷊o e'e mahamu. Sumasakenge nionggol᷊ang u kawasa guna ngu mupakailang tempo purarame bou wawo u dunia, tadeau taumata mangkate mupapate. Kute si sie nionggol᷊ang u pera ko l᷊abo.

L᷊ou ko makataku e'e seng nusumongo, orasi i'i i sire mangukahi wawal᷊uang i sire, dang takoae sarang singkatau ko makatahang su tingo ngi sire!”

Bou e'e ia nakawua Ahusu u Domba e'e nuhose segeli kanunge. Nariadite rinuhi ko mauha. Matangutiti nakoa ko maitung kere heka maitung ko mahasa dang wul᷊ang nakoa mahamu kere daha. Manga wituing narondosi bou l᷊angi sarang dunia. Kere wua ngu ara ko mborong tamata marondosi bou kotoe su tempo ngu nighio u anging mauha.

Bou e'e Ahusu u Domba e'e nuhose segeli katilunge. Dang ia nakaringihi simbau ko niriadi katilunge nangul᷊i, “Maite!” Ia nakawua, kuteu nikawua simbau kawal᷊o maitung. Sumasakenge kapuhinggo nge l᷊aukurang su l᷊imange. Dang ia nakaringihi simbau ko raringihang musul᷊ung u tingihi pia ko kaponggonge bou tal᷊oara u i sire pa ko niriadi e'e. Tingihi e'e nangul᷊i, “Si literi gandum ko mapia hariga ngu mul᷊ahal᷊i silaou, dang tilu literi gandum ko wal᷊inge hariga nge mang l᷊ai musul᷊ungu wawaehu mul᷊ahal᷊i silou, kateho kumbahang mundusa manga l᷊aesu zaitun dang anseru anggori!”

L᷊angi nutingkailang kere kumpiri nal᷊ul᷊ung, dang kaul᷊i u wul᷊ure dang tahanusa nienso bou tampae. Bou e'e manga ratu ngu dunia, apang manga koral᷊abo, manga mapapangkati, apang taumata ko kala, dang manga taumata ko makawasa, dang manga taumata ko wal᷊inge, maning l᷊ang, arako l᷊ai taumata ko nal᷊iwiri, kaul᷊ie mukumbuningu watangengi sire su l᷊al᷊ung u manga l᷊iang dang manga kileu watu su wul᷊ure.