Popular Bible Verses from PĚNDARIADI 49

Share

I Yehuda sarung mangumbelẹ e těkingu kararatuang, hitene sarung mẹ̌parenta sarang marěngụ-děngụ. Manga wansa e sarung měmpẹ̌bawa ghaghěllị baugu ratu mase mẹ̌tumpẹ̌kuhẹ̌ kụ mẹ̌suba su těngone.

I Yusupẹ̌ e tabidạu kalide kawuhuang, kalide maghaěng su rěduhu simbul᷊u akẹ, mẹ̌tẹ̌tatal᷊ang su manga wěntihe. Manga sekẹ měmpěngalo marasai, měmpěnahusu ringangu naěnakeng dingangu horom papitị.

Kai arawe i Yusup man těbe matoghasẹ̌ takiahe, papitị e matětogẹ̌, ual᷊ingu kawasang Měndal᷊ukadẹ̌ Kasěllahenge, Duatang Yakub, Mananěntanudẹ̌ Israel. Duatang amangu e mẹ̌tul᷊ung i kau; Kawasang patikụ e měngal᷊amatẹ̌ si kau, dingangu tahiti wọu langị ore lai akẹ bọu al᷊ungu ěntana. Ringangu anạ, dingangu sapi

I Yehuda, i kau e sarung maněngal᷊ẹ̌ pol᷊ohu rokạ u; manga tuhangu e sarung mẹ̌dalo si kau ringangu mẹ̌suba su tẹ̌ngonu. I Yehuda e mẹ̌sul᷊ungu singa kawuhuang; i sie měmate kinaěnge mase mẹ̌sul᷊e su rěmunge; i sie nẹ̌těngkahatedẹ̌ bọu e rimal᷊oka, kụ tawẹu sarang sěngkatau wahani mělangehẹ̌ si sie.

I Ruben anạ e kaiakanenge, seng i kau e katatoghasẹ̌ku, wuan saghedẹ̌ku kahumotongange. I kau e kal᷊ěnggihange ringangu katoghasenge wọu tal᷊oarang kěbị anạku. I kau e mal᷊ighạ mẹ̌golang kere akẹ, hakịu wal᷊inewe lai kahumotongange; batụu i kau e nẹ̌tikị dingangu kapapuěngku, i kau e napakaturạ u ral᷊okaěng i amangu e.