Popular Bible Verses from PĚNDARIADI 50

Share

I kamene e sembem bọu němpẹ̌dal᷊ahintau mědeạu měkoạ dal᷊akị si siạ, kai arawe Mawu Ruata e kawe měmal᷊ui karal᷊akisẹ̌ e makoạ mapia, tadeạu ringangu apang nariadi nạung kal᷊imona e, lawọ taumata e měbẹ̌biahẹ̌ su orasẹ̌ ini e wotonge ipakasal᷊amatẹ̌.

Arawe i Yusup kai nẹ̌bera si sire u, ”Abe kěngkatakụ; u iạ e tawe makakoạ kere karadiahangu Mawu Ruata.

Kụ abe kěngkatakụ. Iạ e mapakasukụ u apang gẹ̌gausang i kamene ringangu manga anạ i kamene e.” Kerene kakakoạ e i sie napakal᷊enehu naung i sire ringangu wawerane ipẹ̌nẹ̌nahionge, hakịu i sire mangkeweng měngkahiborẹ̌.

i sie rimolohʼi kami apạul᷊ị si kamene kere ini, ’Ampunge wue pẹ̌sasal᷊a nạung kal᷊amona nikoạ u manga tuhangu e si kau.’ Kụ, kerẹewe manga ěllangu Ruata e kụ dẹ̌daloěng i amang i kitẹ e, i kami e ghụgahiorọ u, ampunge wue pẹ̌sasal᷊a nạung seng kinoạ kami e.” I Yusup tangu simangị e sarang nakatarimạ tatanata ene.

Angkuěnge su manga tuhange, ”Iạ e sem mal᷊ighạ mate, kai Mawu Ruata e mang nal᷊ahẹ u sarung měpadul᷊i si kamene ringangu měngahạ i kamene měmpahunsěbang bọu wanua ini, makoạ sol᷊om banua nạung nikědonʼE piạko salune si Abraham, Ishak dingangʼi Yakub.”

Mase tangu i Yusup rimolohu manga anạ u sěngkataune kěbị e niapẹ̌salu, angkuěnge, ”Pěmpẹ̌kědọ e si siạ, u kereu Mawu Ruata e měngahạ i kamene sol᷊ong banua ene, tangu i kamene mal᷊aing sarung měmpẹ̌bawa maietẹ̌ku.”

Bọu ene napohongke i Yusup su Misirẹ̌ e su piạ e umbure naghanapẹ̌ mahasụ mapul᷊o su taunge. I sire němpěměngi wal᷊unangu wadange, kụ bọu ene nitahon sire su ral᷊ungu petin tau nate.