Popular Bible Verses from MATIUS 27

Share

Jam telu kebian, Deside Isa bekuih keras-keras, “Eli, Eli lama sabaktani?” saq artine, “Ya Allah Tiang, ya Allah Tiang, kembéq Deside menengang Tiang?”

Kelambu saq araq begantung léq dalem Gedéng Allah soék jari due léman atas jangke ojok bawaq. Gumi inggur dait gunung-gunung batu belaq. Kuburan-kuburan jari kebukaq dait luwéq dengan suci saq sampun ninggal teidupang malik.

Beterus Deside Isa bekuih malik keras-keras, terus nyerahang nyawe-Ne.

Kepale pasukan bareng kance prajurit-prajurit saq kenyeke jagaq Deside Isa jari takut gati sewaktu serioq lindur dait selapuq hal saq telaksane nike. Ie pade bebase, “Tetu Ie niki Bije saq asalne léman Allah!”

Mulai jam due olas tengari, sengonéq telu jam, selapuq wilayah negeri nike jari peteng.

“Lamun maraq nike tiang kumbéqang Deside Isa saq tesebut Almasih?” basen Pilatus léq ie pade. “Pakuq Ie léq kayuq salib!” jawab ie pade selapuq. “Laguq pegawéan jahat napi saq sampun Ie piaq?” basen Pilatus. Laguq siq suare saq beléqan malik dengan-dengan nike nyurak, “Pakuq Ie léq kayuq salib!”