Popular Bible Verses from MATIUS 26

Share

Bejage-jage dait bedo'e, adéq side pade ndéq ngalamin cobe. Mule roh side mélé ngelaksaneang saq kenaq, laguq side pade ndéq sanggup séngaq awakde nike lemah.”

Deside Isa bemanik léq pengiring-pengiring-Ne nike, “Angen Tiang sedih gati, idapne maraq gen maté doang. Ndot léq deriki, dait bejage-jage bareng Tiang.”

Sesampun nike Deside Isa margi jaoqan sekediq, terus Ie sujut léq tanaq dait bedo'e, “Bapa, lamun bau, bait cawan penderitean niki léman Tiang laguq sampunang menurut keméléq Tiang, laguq menurut pekayunan Bapa.”

Séngaq niki daraq Tiang saq ngesahang perjanjian Allah – daraq saq tetumpahang tipaq dengan luwéq adéq dose-dose ie pade teampunin siq Allah.

Sewaktu ie pade medaran, Deside Isa bait ruti, beterus ngucapang do'e syukur. Sesampun nike, peleng-peleng-Ne ruti nike siq gading-Ne terus teicanin tipaq pengiring-pengiring-Ne, dait bemanik, “Silaq bait, terus kelorang; niki ragen Tiang.”

Sesampun nike, Deside Isa bait sopoq cawan saq berisi anggur. Ie ngucapang do'e syukur tipaq Allah, terus ngicanin cawan nike léq pengiring-pengiring-Ne, sambil bemanik, “Silaq selapuqde pade nginem léman cawan niki.

Sesampun nike, Deside Isa tulak ojok taoq ketelu pengiring-Ne terus ie pade tedait kenyeke tindoq. Deside Isa bemanik léq Petrus, “Cume sejam doang side pade ndéq sanggup bejage kance Tiang?

Tiang éndah badaq side: Tiang ndéq gen nginem anggur niki malik jangke dateng waktune Tiang gen nginem anggur saq baru bareng kance side pade dalem Kerajaan Bapa Tiang.”

Terus Petrus jari inget bahwe Deside Isa sampun manikang hal nike léq ie, “Sendéqman manuk ngungkung, side sampun telu kali nilas Tiang.” Beterus Petrus sugul dait nangis siq aséqne.

Pade ures! Silaq ite lumbar! Pade serioq! Dengan saq behianat léq Tiang sampun dateng!”

Deside Isa bemanik léq pengiring-Ne nike, “Tamaqang kléwangde léq dalem sarungne. Séngaq sai juaq saq kadu kléwang gen ninggal siq kléwang.