Popular Bible Verses from MATIUS 28

Share

Keranaq nike, silaq side pade lumbar ojok selapuq bangse léq dunie, dait jariang ie pade pengiring-pengiring Tiang, dait baptis ie pade léq dalem peséngan Bapa dait Bije dait Roh Suci. Ajah ie pade taat léq selapuq saq Tiang préntahang tipaq side pade. Dait pade inget bahwe Tiang gen tetep bareng kance side pade jangke ahir jaman.”

Deside Isa ngerapetin ie pade, dait bemanik, “Selapuq kuase saq araq léq sorge dait léq gumi sampun teserahang léq Tiang.

Malaékat nike bebase léq dengan-dengan nine nike, “Ndaq takut! Tiang taoq side pade boyaq Deside Isa saq sampun tepakuq léq kayuq salib nike. Ie ndéq araq léq deriki. Ie sampun idup malik maraq saq sampun Ie manikang laéq. Silaq serioq taoq-Ne tesaréang.

“Ndaq takut,” manik Deside Isa léq ie pade, “silaq side pade lumbar kabarang léq selapuq sanak Tiang adéqne lumbar ojok Galilea. Léq derike ie pade gen bedait kance Tiang.”

Imam-imam kepale nike mupakat kance pemimpin-pemimpin Yahudi, terus ie pade ngebéng luwéq képéng léq pengawal-pengawal nike, dait bepesen, “Side pade harus badaqang bahwe pengiring-pengiring Deside Isa dateng léq tengaq kelem dait paling jenazah-Ne sewaktu side pade kenyeke tindoq. Dait lamun gubernur pireng hal nike, tiang pade gen badaq ie adéq side pade ndéq ndait masalah.” Jari, pengawal-pengawal nike bait képéng nike, terus ngelaksaneang maraq saq tepesen siq imam-imam nike. Nike lantaranne cerite niki nyebar léq antare dengan-dengan Yahudi jangke jelo niki.