Popular Bible Verses from TOWUNÖT 26

Share

Ilïkunenyi ton ompö korononi, totöpan nko nyi asoyöninyi. Ompöwölo okoninyi tönön piko yiyengu koroswechete löwïr, achïchiman mumenyu nyo kyomwochan papongu Apraam.

Otösan piko yiyengu kïkarkegh nko kokelya yïm tönön chane koroswechete löwïr akeperuröy pipö punton tïkwïl ompö piko yiyengu, ompöwölo kitechanïn Apraam akïrïp kiyomisutköchan nko kirurutköchan.”

Atolapay kïwuwö Isak wöloni akïwö kïpal koto pögh anka amelö kiporyeghö chi köyoni. Kïkurö Isak Reopot akïlö, “Ompöwölo keghwecha ye ECHOTYON pöroyïn, tökeyichinö koronete.”

Kungwïnchï ECHOTYON Isak akïlenchï, “Mewö ngat iröytö Misri, wölo töpenönyi korononi opörunyi.

Kïlenyona, kïtek Isak wöloni ato kïpelo amöros akïsagh ECHOTYON ompö atoni. Akïtek emenyi, akïpal mötworichi kö pö pögh atoni.