Popular Bible Verses from TOWUNÖT 27

Share

Nya kïkonïn Tororöt röyönto yïm akïkonïn okwoghyo ngwïny nko chongïn pö pagh nko dipay.* Nya kïpöghisyewun pich akïkïtïngchin puntonï. Ilïkwï echotyonto werkökwa aikany kïkïtïngchin werko yongu, akïchïpo chi anka tïkwïl nyo chïpinyi, ikany kusoyönö chi anka tïkwïl nyo soyöninyi!”

Kïlö Esau, “Kikïmïnchï kaynenyi kuten lö Yakopo! Ompöwölo kalïsanïn ye kïnyïl odeny. Kisarenanïn wowïnto yiyenyu, akwanyï ye kasarenanïn kisoyönötenyan.” Atolapay kïlenchï, “Metukwanïnyinye kisoyönote nyo le kite?”

Kuyokyï Isak lö, “Rose, lowitu möngengu nko okwoghyo ngwïny akïlowitunö röyön nyo ngwïno yïm. Aisöponyi chokengu, aipöghisyechinyi werïngwo, wölo ato lilinyi kïgh, ityaka kegh morichi.”

Kïlenchï Esau kwanta, “Nyo metïngetenönyinye kisoyönöt nyo le ompö akonga so papo? Soyönante tïkwïl, we paponyu!” Atolapay kutegh Esau akïrir.