Popular Bible Verses from Marakusi 12

Share

Nauliꞌ Iesu, “Deꞌe miꞌi párentá to hangaa-ngaa tapaioru: ‘Nipehádingi toSáráeliꞌ! Pueꞌ Ala Pueꞌtaꞌ, hadua peá. Nipokaꞌahiꞌ Pueꞌ Ala Pueꞌmi, i sukáꞌna kabulána lalumi, i sukáꞌna pekirimi, i sukáꞌna kapándemi, hai i sukáꞌna róhómi.’ Iti miꞌi párentá to hangaa-ngaa tapaioru ntepuꞌu. Hai párentá to karompákáꞌna to mobunduꞌ ntepuꞌu woꞌo, node: ‘Nipokaꞌahiꞌ hángká rángámi nodokou pampokaꞌahiꞌmi wátámi haduduámi.’ Tiꞌara ara párentá ntániꞌna to melumbuꞌ pobunduꞌána hangko i to rompákáꞌ iti.”

Iesu mokióꞌ topeguruNa, Nahángáꞌáheꞌ, “Toꞌu ntepuꞌu to Kuhángáꞌákou: topebuku mampeweꞌi hantóiꞌ peá hangko i kapebukuraꞌ, agáiáná towawine iti, kehapiꞌ meahiahiꞌ tueꞌna, mampeweꞌi upu-upu to ara i hia to naparaluu woia i lalu katueꞌna alo-alona, mewaliꞌ melumbuꞌ popenómbána to bembaꞌ iti haneꞌi popenómbáraꞌ upu-upu tauna ntániꞌna.”

Iesu mehoda hungkuꞌ i petiꞌ pemboliá dóiꞌ popenómbá, hai mampeita tauna to mopusaꞌ dóiꞌ popenómbáraꞌ. Handaꞌ tauna to pebuku mopusaꞌ dóiꞌ to handaꞌ. I tempó iti, haweꞌ miꞌi hadua towawine to bembaꞌ to meahiahiꞌ tueꞌna, hai ia woꞌo lao mopusaꞌ dóiꞌ popenómbána. To napusaꞌ, rompepaꞌ peá dóiꞌ tembaga to hantóiꞌ ntepuꞌu imbaꞌna.

Hai hangaa-ngaa tapokaꞌahiꞌ Pueꞌ Ala i sukáꞌna kabulána laluntaꞌ, i sukáꞌna kapándentaꞌ, hai i sukáꞌna róhóntaꞌ. Hai hangaa-ngaa tapokaꞌahiꞌ hángká rángántaꞌ nodokeꞌ woꞌo mampokaꞌahiꞌ wátántaꞌ haduduántaꞌ. Ane tapaioru párentá to rompákáꞌ iti, melumbuꞌ ntepuꞌu kamaroꞌana hangko i upu-upu to tapopenómbá i Pueꞌ Ala, maroꞌa binataꞌ to raintu, maroꞌa popenómbá to ntániꞌna.”

Nauliꞌ Iesu, “Ane noꞌonoꞌi, niweꞌi miꞌi datu apa to hintotoꞌ raweꞌi, hai niweꞌi woꞌo Pueꞌ Ala apa to hintotoꞌ raweꞌi.” Tingkáráꞌ ntepuꞌuheꞌ mohádi pehániꞌNa iti.