Popular Bible Verses from Marakusi 13

Share

Noꞌonoꞌ woꞌo kómu. Ánti peuláꞌmi i Kódóꞌ, ina rakáhihiꞌkou handaꞌ tauna. Agáiáná tauna to mepoinálái oaꞌ i Kódóꞌ haweꞌ i kahópóꞌána, ina molámbiꞌheꞌ katueꞌ to maroꞌa to tiꞌara mokahópóꞌá.”

Mewaliꞌ hangaa-ngaa maingáꞌ-ingáꞌkou hai timamakou oaꞌ, láwiꞌ tiꞌara niꞌisá tempó pewaliꞌána.

Ane rahakaꞌkou hai raꞌánti i lindoꞌraꞌ tadulako, ineeꞌkou malááꞌ ba noumbá pehániꞌmi. Ane haweꞌ tempómi molaluita, Pueꞌ Ala ina mopakanótóákou apa to hangaa-ngaa niuliꞌ, láwiꞌ apa to niuliꞌ i tempó iti, tiꞌara hangko i pekirimi haduduámi agáiáná ina mentóáꞌ hangko i Inao to Magasaꞌ.

Langiꞌ hai duniáꞌ hai upu-upu óntóꞌna ina magero, hai tiꞌara piꞌi ina ara, agáiáná laluitaNgkuꞌ bateꞌna ina ara oaꞌ haweꞌ i rue-ruena.”

Iesu mopaliliu laluitaNa i topeguruNa, Nauliꞌ, “Agáiáná ane alo hai jaa pewaliꞌna upu-upuna iti, bateꞌna peá UmáNgkuꞌ to moisá. Tiꞌara ara haweꞌ hadua tauna to moisá. Mogalo malaꞌeka to i surugáꞌ, tiꞌara woꞌo raisá. Hai Ánáꞌna Pueꞌ Ala, tiꞌara woꞌo Naisá.

Ane mohádikou to tangaꞌraꞌ mombeala hai bámbári pombeala, ineeꞌkou malááꞌ, hai ineeꞌ nipotingkáráꞌ, láwiꞌ upu-upu iti hangaa-ngaa mewaliꞌ sieruꞌ, agáiáná tiꞌara mani haweꞌ kahópóꞌá duniáꞌ.

Mewaliꞌ, kómu woꞌo hangaa-ngaa timamakou, bona ane hangkaꞌ-hangkaꞌ perái haweꞌ pueꞌ támbi, tiꞌarakou ina nahumba tangaꞌmi letaꞌ. Láwiꞌ tiꞌara niꞌisá ba impirá kaꞌina haweꞌna pueꞌ támbi, ba mepulo, mabaa, kalumbaꞌ, ba i tangaꞌ káindi. Noꞌonoꞌ woꞌo kómu, hangaa-ngaa timamakou oaꞌ. Apa to Kuhángáꞌákou deꞌe, Kuꞌuliꞌ woꞌo i upu-upu tauna: Nipatimama lalumi!”

Tampoꞌ ina mombeala hai tampoꞌ ntániꞌna, kadatuá ina moewaꞌ kadatuá ntániꞌna, hai iumbá-umbá peá ina ara linu hai rimi. Upu-upuna iti hangko pantepuꞌuána, agáiáná kapári iti ina tetámbái mani karumihina nodo kapári to nahádi towawine to tangaꞌna humádi.

Hai Ngkóráꞌ Marasa hangaa-ngaa rapahaweꞌ sieruꞌ i humalele duniáꞌ, hangko mewaliꞌ riꞌi upu-upu tunggáiána Pueꞌ Ala.

láwiꞌ handaꞌ tauna ina haweꞌ hai ina manguliꞌ kahirana Datu Topehómpóꞌ, álána handaꞌ tauna to ina rapakanawoꞌ.

Agáiáná kómu deꞌe, maingáꞌ-ingáꞌkou, láwiꞌ kómu ina rahakaꞌkou hai raꞌánti i lindoꞌraꞌ tadulako agama. Ina rahepekou i lalu támbi penómbáꞌá. Ánti peuláꞌmi i Kódóꞌ, ina rahuhuꞌkou i lindoꞌraꞌ topopárentá hai datu-datu. I tempó iti, ina raweꞌikou lógá mopahaweꞌáheꞌ kana i pepoináláimi i Kódóꞌ.

láwiꞌ ina haweꞌ handaꞌ tauna to mepakanawoꞌ to manguliꞌ kahirana Datu Topehómpóꞌ, ba to manguliꞌ kahirana nabiꞌ. Ina mobábehiheꞌ tandaꞌ kuasaꞌ hai tandaꞌ to mehelei bona mopakanawoꞌheꞌ tauna to handaꞌ. Mogalo riꞌi taunána Pueꞌ Ala to Napileꞌi miꞌi, ina rapehukáꞌ rapakanawoꞌ.

“Mewaliꞌ i tempó iti, ane liu miꞌi tempó kapári, alo ina mambáliꞌ mewaliꞌ makáindi, wulá tiꞌara piꞌi ina mewangkaꞌ, betue ina manawoꞌ hangko i langiꞌ, hai Pueꞌ Ala ina mampopoenggo upu-upu to ara i langiꞌ.