Popular Bible Verses from Marakusi 10

Share

Mogalo woꞌo Ánáꞌ Mánusiá mai i duniáꞌ deꞌe tiꞌara mewaliꞌ topohawaꞌ, agáiáná bona mewaliꞌ hawiꞌ, hai ina mohuhuꞌ wátáNa rapapate bona handaꞌ tauna peisá Nahómpóki hangko i huku dósáraꞌ.”

Natótóiheꞌ Iesu haneꞌi Nauliꞌ, “Tiꞌara ara to peisá nabábehi tauna bona mewaliꞌheꞌ taunána Pueꞌ Ala. Agáiáná Pueꞌ Ala peá to peisá mohómpóki dósá tauna, láwiꞌ upu-upuna Nabuku Nabábehi.”

Nauliꞌ Iesu, “Laomokoꞌ, láwiꞌ ánti pepoináláimu i Kódóꞌ haneꞌikoꞌ mauriꞌ!” Ia kásáliu meita, haneꞌi meuláꞌ i Iesu.

Onoꞌ miꞌi haneꞌi Kuhángáꞌáꞌákou, heáná to napahintuwuꞌ miꞌi Pueꞌ Ala, tiꞌara mpuꞌu peisá napopogááꞌ tauna.”

Agáiáná Iesu mampeita tauna iti hai Napokaꞌahiꞌ ntepuꞌu, onoꞌ miꞌi haneꞌi Nahángáꞌá, “Ara mani hampákáꞌ to hangaa-ngaa nubábehi. Mesuleꞌmokoꞌ sieruꞌ mampobaluꞌ párewámu, hai dóiꞌ hólóna nugáláꞌ-gáláꞌáheꞌ tauna to meahiahiꞌ tueꞌraꞌ. Ane nubábehiꞌi noꞌonoꞌ, ina mahile háwángina to nulámbiꞌ i lalu surugáꞌ. Roo onoꞌ, maimokoꞌ meuláꞌ i Kódóꞌ.”

Napekuneꞌ Iesu i hia, “Apa to nuꞌundeꞌ Kubábehi i hio?” Nahániki tobilo iti, “Guru. Kuꞌundeꞌ bona meitaꞌaꞌ!”

Agáiáná kómu, ineeꞌkou noꞌonoꞌ! Heáná to mampoinao bona i reá tueꞌna, hangaa-ngaa mewaliꞌ sieruꞌ hadua topekádipurá.

Toꞌu ntepuꞌu laluitaNgkuꞌ deꞌe: Pueꞌ Ala ina mepárentá i laluraꞌ tauna to mopaisarenga katueꞌraꞌ i Hia, nodo ánángkóiꞌ to mopaisarenga katueꞌna i tosaena.”

Handaꞌ tauna to tepaioruá miꞌi tueꞌraꞌ deꞌe-deꞌe, ina mewaliꞌ to tepaibókóka i alo to ina haweꞌ. Hai handaꞌ woꞌo tauna to tepaibókóka tueꞌraꞌ deꞌe-deꞌe, ina mewaliꞌ to tepaioruá i alo to ina haweꞌ.”

Agáiáná hangko i pewaliꞌána duniáꞌ, nodo to teukiꞌ i lalu Sura Magasaꞌ: ‘I tempóna Pueꞌ Ala mampopewaliꞌ tauna, Ia mampopewaliꞌheꞌ tobaleilo hai towawine. Onoꞌ miꞌi haneꞌi hadua tobaleilo hangaa-ngaa mopálehi umána hai inána, haneꞌi tueꞌ hingkakani hai toinána, bona to rodua iti mewaliꞌheꞌ hawátá-wátá.’ Mewaliꞌ, i peitána Pueꞌ Ala, tohamboko tiꞌarapoheꞌ rodua, agáiáná mewaliꞌmoheꞌ nodo to hadua.