Popular Bible Verses from Marakusi 9

Share

Nauliꞌ Iesu, “Moapa riꞌi haneꞌi nuꞌuliꞌ ‘Ane Nubuku?’ Upu-upu peisá mewaliꞌ i tauna to mepoinálái.”

Nahániki umána ánángkóiꞌ iti napasimbuku, “Mepoináláiaꞌ i Hio, Pueꞌ! Nutulungiaꞌ wongkódóꞌá, láwiꞌ kódóꞌ deꞌe makuraꞌ mani pepoináláingkuꞌ.”

Hangko ionoꞌ, Iesu hai topeguruNa mesuaꞌheꞌ i lalu hambuaꞌ támbi. Kapesuaꞌraꞌ, mekuneꞌmoheꞌ topeguruNa i Hia, rauliꞌ, “Guru. Moapa riꞌi haneꞌi tiꞌara kibuku mampopesuwuꞌ tokadake iti ininá?” Nahánikiheꞌ, “Tokadake to noꞌonoꞌ kamaróhóna, tiꞌara peisá niwura ntooꞌ peá noꞌonoꞌ. Hangaa-ngaa nipekakaeá riꞌi i Pueꞌ Ala.”

Bure mobunduꞌ ntepuꞌu. Agáiáná ane matáweá miꞌi, peisá paꞌi rapamabure huleꞌ? Noꞌonoꞌ woꞌo, kómu to meuláꞌ i Kódóꞌ hangaa-ngaa mobunduꞌkou oaꞌ nodo bure. Lempóna, ineeꞌ nipatodáhi pepoináláimi mewaliꞌ maledeꞌ, hai hangaa-ngaa mohintuwuꞌkou oaꞌ hadua hai hadua.”

“Heáná to motarima hadua tauna i lalu hangaꞌKuꞌ, tepasuaꞌ tauna to i wóiꞌ tueꞌna nodo ánángkóiꞌ deꞌe, lempóna Kódóꞌ miꞌi to natarima. Hai heáná to motarimaꞌAꞌ, tiꞌara Kódóꞌ peá to natarima, agáiáná motarima miꞌi woꞌo Pueꞌ Ala to mohuoꞌAꞌ mai.”

Toꞌu to Kuꞌuliꞌ, hai Kuhángáꞌákou: heáná peá to motulungikou ánti peuláꞌmi i Datu Topehómpóꞌ, kehapiꞌ hamangku peá uwai ntooꞌ naweꞌikou ánti peuláꞌmi i Datu Topehómpóꞌ, ia ina molámbiꞌ háwángina hangko i bábehiána to maroꞌa.

Agáiáná heáná to mopakanawoꞌ hadua tauna to mengkaiwóiꞌ tueꞌna nodo ánángkóiꞌ deꞌe, álána tiꞌara piꞌi mepoinálái i Kódóꞌ, ina rumihi ntepuꞌu pehukuna Pueꞌ Ala i tauna iti. Rángina miꞌi watu pogiliá to mahile ratóe i tambólóna hai ia ratibe i lalu tahiꞌ.

Hai ane rápáꞌna mátámu hambali moántikoꞌ mobábehi dósá, nudungkiki pemiꞌi. Maroꞌa mani hambali peá mátámu, asalaꞌ mewaliꞌkoꞌ taunána Pueꞌ Ala i lalu popárentáNa, haneꞌi rombali mátámu, agáiáná kahópóꞌána ratibekoꞌ i lalu naraka.