Popular Bible Verses from MATIUS 26

Share

Tanom banamek emes ataiapaaray. Atakam Allah emes ajanimaaray. Bii Kapar Ipit taredosa baem batatapimtaa-ombar. Tare Allah atakam ji bae, jak aseseromemakam. Me, ta damo kumiti.” Emes atakam aesimen.

Are atakam era owe akoromen. “Dere jak potanak aememmin— Dere dambir bakamiamesken tamen. Tare ere, ara asan emes aemapay. Wanam banamek takan Dera jamtaiompani.” Emes atakam aesimen.

Are setep apokpee ambaremen. Wanam andaepariamsen. Are atakam Allah ajanimen. “Dot! Akot aportem, Dere bajirisem bas. Me, era akot apormin pak jipu baem bas. Era akot apormarem pak jipu taka aemey.” Emes atakam aesimen.

Ara bwi deesee. Bonaknak ere, Allah asamot owe bajortaer ataaji aee. Deesee owe tanane bajortaer ajirindaetem. Me deesee, Allah ataaji aee atakam, atakamnak aporomtamtem. Me deesee ajirindaeto, are owe tanane adosa bimak binip bajanimemtam are.

Emesare. Era owe amos banda aemapes ere, Yesusam amos ataere. Are terima kasih atakam Allah akorome. Are era amos akookome, wanam abajamkai owe sai asaietame. “Ara amos bataenaay. Are dedamo dasa.” Emes atakam aesime.

Armat Ipit arawa, mbok anggur bwi aptam ataere. Terima kasih atakam Allah akorome. Wanam era mbok bwi era owe sai asaietame. “Tare takes ara bwi panday.

Armat Ipit arawa, abajamkai owepu aofasiendaen. Are era owe ise aemanses aporen. “Petrus! Tare jam takakope banamek Dera baemetaiap asan apoke?

Tare ere, Baporay! Waa ajiire, dere ara anggur bwi bonda apok— Dere ai anggur bwi Deritipit aAi Tapirmi tare takan aondetam bare ajiire.” Yesus emes atakam aesime.

Bonak ere, Yesus atakam Petrus akoromen. “Wore atakam bare bamintep bonak akorestemarem, ‘Dere Yesus demsam apok,’ emes akorestemarem. Me ajomo ipit arawa, atakam asep akorestem.” Emes atakam aesimen. Emesare. Petrus era atakam, bimak binip ajanimtaeren. Ararawa, tasan ajise, wanam bate daytinak ambaten.

Tanom bawasitay! Baesosamo! Dera aotasimemomtamtan ipit andaem are.” Emes atakam aesimen.

Yesus arawa, atakam era ipit akorome. “Era jirao warim ese aoweapomey. Owe jirao warim ataertas, are jirao warim dambir atetemas.