Popular Bible Verses from LUKAS 13

Share

“Era satu jimsap bajii, jati daytu aeeay. Emesare, tanom deatakam jane pajiay. Owe tanane era jimsap bajii aempormas apok.

Era asan ere, taot taka aemapen. Bii era taot tahun 18 aemomaaririn. Me biiam era taot asan pota aemapomaaririn. Erarawa are asemak saitnak. Are imtuu baemewasit asan apok. Emesare, Yesus era taot aporen. Are era taot ajaten. Ajaterawa, atakam akoromen. “Wore asan pota baemap apok.” Emes atakam aesimen.

Armat Ipitam ban era taot damo ten ataetiien. Era taot arawa, imtuu ametewasiemen. Are Allah tere aeomen.

Baporay! Wan juas apok owe, juas aptam owe aoememtemas. Wan juas aptam oweam, juas apok owe aoememtemas.” Yesus emes atakam aesimen.

Tame armat ipit awasitto, wanam era jimsap akapimapomto, tare era tasan aememtemakam. Tanom era jimsap akokomtemakam, wanam atakam akoromtemakam. ‘Dot! Era jimsap dara paimtamaro.’ Emes atakam aesimtemakam. Armat ipit ere, atep ajitteman. ‘Tare demsam apok. Tare ete asana ajinaomakam?’ Emes atakam aesimteman.

Baporay! Emes apok. Tare dosa bamakem apok aemtakam, ere tanom takes emes taka akamiamestemakam.” Yesus emes atakam aesimen.

Armat ipit ere, atakam tara aokoromteman. ‘Tare ere, demsam apok. Tare dosa baemaar owe, tarare. Tanom doememtey asan baemem bas. Tanom baesosay.’ Emes atakam aesimteman.

Armat Ipit arawa, atakam akoren. “Allah owe aobaomep awar wama pakem? Dere Allah owe aobaomep awar pak, wama atakam okoretey? Are kutukoser eek awar. Jipit taka era eek ataerto, wanam akebun ajapomto, ere akene ajittem. Anom wus daytu ajitemtem. Sakaoam to era kem aetemas.” Emes atakam aesimen.