Popular Bible Verses from LUKAS 12

Share

Tanom banamek emes asirapay. Tare, ‘Asamot Anakot Ajaoreme Ipit waa bandae apok,’ emes bimak binip atetaramtakam ere, era bare Armat Ipit andaetem.” Yesus emes atakam aesimen.

Tare ere, Allah tara baomep bimak binip daytu atetaramay. Allah rawa, wan pak takes tara atetamteman.”

Yesus arawa, atakam era owe aokoromen. “Turuar! Pak senomemtakam. Pak daytu baemomem, ere, era pak armat ipit owe jiine baememaar pak apok.” Emes atakam aesimen.

Emesare, tare tapak bataapom asan, tajak anom era asan aemapmakam.

Owe, pak bimak binip jirao atetaramtas apaye, are adambir aemtas bare, bare takakope baemeotasimem asan apok.

Yesus arawa, atakam abajamkai owe aokoromen. “Emesare, tanom baporay! Era andetakam banda pak, tare jafer baemem pak erare. Me, era andetakam pak, bimak binip jirao bas. Tanom tadamo ajiimomemtakam pakaian, bimak binip jirao bas.

Allah, takuus fini bajititimar tair. Emesare, tare ombare bas. Tare anakotnak. Me sakao tanane ere, anakot apok.”

Me Dera ajamkaimankum owe bamintepe! Ombare bas. Taritipit aobaomep tapirmi akot pak, tara batetam akoten.

Me sakao juas irmi baporay. Are pak akene bajapom apok. Are amos bajow apok. Are pak bataapom tame apaye, wan pak tame apaye, ere apok. Allah ere, pak era sakao atetamum. Emesare, tare anakotnak. Me sakao ere, anakotnak apok.

Tanom era andetakam pak bimak binip daytu bas. Tanom era pak jak pota bas.

Emesare, era wasen pak, waa aemanses. Asep barerawa, owe era pak jisimak ambomtiitemas. Allah ere, era pak akotnak aemapome. Emesare, Armat Ipit pakaian tara atetamteman— tare Dera bamesem apok oweam are.

Emesare, owe batukumtii pak takes baso aoportemas. Oweam era tiruu atakam takes jane ajiekoromtemas.