Popular Bible Verses from LUKAS 9

Share

Dung i mandok hata ma Jesus tu halak na bahat i, ning Ia ma, “Sanga ise na giot mangihutkon Au, angkon porsoonnia do dirina, angkon porsanonnia ma hayu parsilangnia ganop ari, jana torus mangihutkon Au.

Harana agoan ngolu do sanga ise na giot mampartahankon ngoluna. Tapi halak na agoan ngolu hara ni Au, i do na dapotan ngolu.

Tapi didok Jesus ma: “Halak na mangaluku, tapi huhut mangaligi tu pudi nada patut ia tu Harajaan Ni Debata.”

Aha ma he gunana di halak, muda sude portibi on gabe nampunania, hape gabe hararugi jana mambaen mago ia sandiri?

Muda adong na maila hara ni Au jana maila hara ni pangajaranKu di adopan ni halak na asing, maila muse ma Anak Ni Jolma i mangokui halak sisongon i di haroroNia saulahon mardongan hasangapanNia, jana mardongan hasangapan ni Amangnia, songon i dohot hasangapan ni angka surusuruan na badia!

Dialusi Jesus ma, “Marliang do sorigala, unggas pe adong do asarna, tapi anggo Anak Ni Jolma i, nada adong inganan hapayahan ni uluNa.”

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”