Popular Bible Verses from LUKAS 8

Share

Same na madabu tu tano na napu i, i ma manggambarkon angka halak na umbege hata i, jana na manjagohon sadenggan-dengganna di bagasan roha ni halahi. Burju do halahi jana sobar, gabe tulus ma marbatuhon parbatu na denggan.”

Same na madabu tu tonga-tonga ni duri i, manggambarkon angka halak na manangihon hata i tapi ganggu do roha ni halahi jana por roha ni halahi di sinadongan boti lungun roha ni halahi marsonang-sonang di tano on. Sudena ma i mangkapit halahi mambaen halahi nada marbatuhon parbatu na matoras.

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

Dung i ninna Jesus ma tu angka siseanNia i, “Di dia do haporsayaanmunu?” Mabiar ma halahi boti homang-homang sajo. Didok halahi ma sama halahi, “Ise do ulaning on? Alogo dohot ombak pe tarparenta Ia. Patu muse do alogo dohot ombak i tuSia!”

Same na madabu tu dalan i, manggambarkon angka halak na manangihon hata i. Tapi ro ma Sibolis mangarampas hata i sian roha ni halahi anso ulang porsaya jana nipalua halahi.

Angke nada adong bagi aha na buni, na so haidaan muse, jana nada adong na simo na so diboto halak muse, angkon tarboto do i jana dipapatar.

Diboto anak boru i ma na dung tarboto pangalahonia i. Jadi ro ma ia tu jolo ni Jesus hitir-hitir marsomba. Dipaboa ia ma di jolo ni halahi sude sanga hara ni aha umbaen dijama ia Jesus, dohot nyaenia sanga tarbia parmalumna manigor santongkin i. Didok Jesus ma tusia, “Madung dipamalum haporsayaanmi ho da inang. Kehe ma ho, dibagasan sonang!”

Kehe ma angka siseanNia i mandapotkon Jesus mangngoti Ia. Ning halahi ma, “O, Guru! Guru! Marmara ma hita on!” Ngot ma Jesus, digorahon Ia ma alogo dohot aek ni dano na marombak i. Alogo i pe dohot aek ni dano i nada marombak be jana gabe so ma sudena.