Popular Bible Verses from LUKAS 10

Share

Ingot hamu ma! Madung dijagit hamu kuaso sian Au laho mandegei ulok dohot hala, songon i muse kuaso laho manaluhon sude kuaso ni musu. Jana umpe sada na tarbaen mangkahua hamu.

Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho. Hape hum sada do na porlu! Jana madung ditodo si Maria na denggan i, na so buaton be sian ia.”

Mangalusi ma bayo i, “Angkon holong do rohamu di Tuhan Debatamu sian sandok ate-atemu, sian sandok rohamu, sian sude gogomu, dohot sian sandok pikiranmu. Jana, angkon holong do rohamu di donganmu jolma songon pangkaholongimu di dirimu sandiri.”

Jadi didokkon Ia ma tu halahi, “Bahat do nian sisabion, tapi otik do anggo parkarejo, hara ni i pangido hamu ma di Nampuna sabion i anso disuru Ia parkarejo tu sabionNa i.

Dung i dipaujung Jesus ma carito i songon on, “Sian sitolu halak i, na dia ma ninna rohamu, dongan jolma di bayo na tarsamun i?” Dialusi ia ma, “Halak na maribo ni roha tu bayo i.” “Antong, kehe ma ho jana baen muse ma songon i!” ninna Jesus tusia.

Antong kehe ma hamu. Songon biri-biri na nisuru tu tonga-tonga ni sorigala do Husuru hamu.