Popular Bible Verses from LUKAS 11

Share

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

Jadi, Au pe Hudok ma di hamu: Pangido hamu ma, lehenon do di hamu; jalahi hamu ma, dapotan do hamu; tektehi hamu ma, ungkapon do pintu tu hamu.

Angke sai manjagit do sude halak na mangido; dapotan do halak na manjalahi, jana ungkapon do pintu di na manektek pintu.

Dung i didok Jesus ma tu halahi, “Muda martangiang hamu songon on ma dok hamu, ‘Ale Amangnami. Pinarbadia ma goarMu. Ro ma HarajaanMu.

Sesa ma angka dosanami, songon hami manyesa dosa ni sude na marsala di hami. Ulang pamasuk hami tu bagasan pandugaan.’ ”

Lehen ma ganop ari sipanganon na porlu di hami.

Mata, i ma na gabe lampu ni pamatang. Muda torang matamu, pamatangmi pe gabe torang do. Tapi muda rambon matamu, gabe golap situtu ma sude pamatangmi.

“Nada adong halak na manutung lampu, jana ditabunihon ia lampu i sanga ditutupi dohot ampang. Tontu tu inganan parlampuan do i dibaen anso torang idaon ni halak, muda masuk halahi.