Popular Bible Verses from San Lucas 8

Share

Ttiaca ca xua binna lo yu tseeha nna ancaque ca benni nu itú iqui itú lecani rienquinna ca tisa-na, rigúa tseecana nu rá benna lheꞌe lastoocani lhe. Denua nna riseꞌetsitsicana lhe satíaba seꞌecana runcana nu anca tsee lhe.

Ca xua xuxtila biyinna lheꞌe yitsiha nna ancaque attiba ca benni rienini ca tisa-ni, ttiaca nu richacha iquicani gue nu anca gue yies lo yu-ni lhe gue nu ridá lecani acacana nu gattaru guecani lhe gue edí baacana nu te yies lo yu-ni lhe bittu rugüelhan cana tseꞌe tsitsicana lo neda gue Tata Do Iyyabaaha.

Ca xua binna atta seꞌe ca iyyaha nna ancaque attiba ca benni, atti rienquinna ca tisa-na attulade reꞌo lecani recabicana udaxxucana neda gue Tata Do Iyyabaaha. Ttiaca cumu läga beꞌan tsitsi ca tisaha lheꞌe lastoocani, nuarca läga isá ria lecani. Larcala atti risía ratecana ruyúcana ttu elha disa nna readi gattebacana lo neda gue Tata Do Iyyabaaha.

Nianna, re ca biꞌini rudheti ca tisa ruleꞌe: —¿Gala guagaꞌale nu rále dequi chi ria lele neti? Tu rasbaquinbi lhe rebanbaquinbi lhe rá loescabi: —¿Nú benni biꞌini du-ni, lee nna runie mandadu be-na lhe indattoo-na lhe, ca unná nna rudocana tisa guee?

Ca xua binna lo nedaha nna ancaque attiba ca benni rienini ca tisa gue Tata Do Iyyabaaha, ttiaca nu xxegüiha nna risinttebana raleana ca tisaha lheꞌe lastoocani qui bittu tsia lecani, anía nna bittu lhácana.

Cumu tsa lägabi te ttu bixa te gatsi, lä tsanni lobana, niguaba lä caa ttu nu raca sigá, la isíaba sá atti iríana lolia qui una iyá benni na.

Atti biyú nuilaha chi guanni lo nu bennaha, bisínttebana rixidinina bedú xibini lo Jesús. Laniala nna utixxiꞌana aníba lo iyába ca benni seꞌe nía bixa gue utanana roꞌo xo Jesús, utixxiꞌana gue snaba lania beacana lhe. Jesús nna ráttebe nuilaha: —Xiꞌini, cumu de güia lelu guadába eyonia lu, nuarca beacalu. Xen su lee beyya.

Laniala nna guadibáncabi Jesús rácabi Benniha: —¡Maestro! ¡Maestro! ¡Chi rettiri lheꞌe inda-ni! Jesús guadhattebe bedhaca dise beha lhe nu ridulí lo indaha lhe ca unnuha nna bebetteba lecani, síba beacatteba.