Popular Bible Verses from San Lucas 7

Share

Denuala nna rpea lu, nuila-ni nna racaxxattinna quia. Cumu de chi te elha xen lasi gue ixeru ca nu lä anca tsee chi benna ttiaca nu lattirba elha xen lasi ridía gueni nna lattirguaba raquinna quia. Jesús nna re nuilaha: —Chiba uxía elha xen lasi gue ca nu lä anca tsee chi benlu-na.

Ttiaca Jesús unnerle adí re nuilaha: —De güia lelu Tata Do Iyyabaaha nuarca chi ulálu lo tulha guelu. Xen su lelu beyya lislu.

Lana nna ribestsitsiana urena atta seꞌe ca niꞌa Jesús. Len inda ribesnaba utína ca niꞌa Benniha, len itsiquiniha nna bodibisna ca niꞌa Benniha, betságuaba loni ca niꞌe lhe bedona ca niꞌe seti lhe.

De unnuha nna nuarca niba lä beaxtia ita cuinaga neti ettetsadua lolu. Lu nna suntteba unne uná, beaca, nu riben sina quia-na nna eyacattebana. Cumu neti nna ancaguaba nu rudo tisa gue ca nu rinnabiacana neti, anáguaba rinnabiaguaba ca soldado quia-na lhe. Atti rpea ttu ca unná: “Güia nía”, tsiabunna, atti rpea attuna: “Utá nii”, gua ritabana. Atti runia mandadu nu riben lo sina quia-na bixa unna unba nua nu upea na. Atti bienin Jesús nu rá nua nna bebanbanie gue nua. Laniala bodequi loe re ca benni dia denalha: —Neti nna gualíbatia ria: Niba ttu ca benni quia anca benni Israel bittu chi guattiꞌaya ria tsitsi leni atti ria le unbiyuu-ni.

Snaba lania beoni Jesús ixe tsitsia ca benni rani yuꞌu ixe loba isagüe, ca nu raca cuerpu guecani lhe ca nu yuꞌu be xxegüi lheꞌe cuerpu guecani lhe ixe tsitsiaguaba ca nu xua loni benie biláquinna lhe. Laniala becabi Jesús re ca biꞌiniha: —Gualeyya nna gualquixxiꞌani Juan gue nu chi begüiale runia, gue nu chi bieninle lhe. Gualgás na: “Ca nu xua loquinna riláquinna ca nu xi-na ridacana lhe ca nu raca cuerpu guecani nu anca attiba yiesusu te láni lepra reacacana lhe ca nu cuesu-na rienquinna lhe ca nu yatti-na reacaquinna lhe ca benni bittu te guecani chi runacana ca tisa tsee gue gaxasná rodilá Tata Do Iyyabaaha ca benni lhe.”