Popular Bible Verses from Marcos 9

Share

Jejenö jö̧a̧lökwe Jesúsma jö̧ba̧lijetö: —¿Tajawedö jejenö jö̧ka̧la, Kwöwaisitjö̧ma, jö̧ba̧lö? Wajwiena, jö̧ba̧lö, ¿kwomukwatiji̧? A̧ja̧kwitjö, bakwo̧ ötjönö o̧'wo̧ wana̧lo̧ma baikwö waisachibo̧: Jesúsma okobe jwiinö jo̧banö atebi̧ma, isabenö atebi̧danö ja̧awa waiso̧, jö̧ba̧lö, waisachibo̧—jö̧ba̧lijetö Jesúsma.

Jejenö jö̧a̧lökwe tjemu abe'doma labinö abebijetö: —Babema yötawakwö, ökwönö cho̧'wo̧ chöwana̧la. Pjabatitjö cho̧'wo̧ chöwana̧lemitjö tupakwö cho̧'wo̧ wana̧lö chi̧'yo—abebijetö.

Jemi tupakwöma Jesúsma öba̧ja̧di̧ waisachadökwö idöda tjabekwakwejunö tebachijadötö. Ju'wedö deelö Jesús öba̧ja̧di̧ waisachadöma abebö a̧ja̧kwijadötö Jesúsnöma: —Ökwödöma ¿tajawedö a'dewö loawa döwaekwaja̧da?— jö̧ba̧lö. Jejenö abebö tja̧ja̧kwökwe atadijetö Jesúsma: —Jo̧badanö sulabo̧ma, Diosnö aebenada a'dewö loökwe—atadijetö Jesúsma öba̧ja̧di̧ waisachadönöma.

Ina yöbawijetö, wanedö yöbawö, sayu yöawakwawama: —Sayuma pjabatö otikwa otiwijayonö suli̧ waekwenama sayuma yemidanö otiwachökö. Ja̧danö ökwödöma, ju'wi jaye kwakwawa sayu pjabatö otikwadanö, suli̧ waekwökönö otiwanö pjabatakwawö kwuju̧kwaduwo kwömöledökwö—yöbawijetö Jesúsma öba̧ja̧di̧ waisachadönöma.

—Edaduwi. Bakwo̧, tjemunö ösödo̧, bitejayo̧danö tjemunö ösödo̧ma, ja̧danö, ötjönöbi ösödo̧. Ja̧danö, jejenö ötjönö ösödo̧ma ötjönö la'aka webinanöbi ösödo̧— jö̧ba̧lijetö Jesúsma öba̧ja̧di̧ waisachadönö.

Ju'wibi jö̧ba̧lijetö: —Isabenö jö̧ta̧la. Bakwo̧, chöba̧ja̧di̧ waisachadönö edö, ötjö chöba̧ja̧di̧ waisachadöiökwe ösödö ojwiyobi kwowaduwobö iyo̧nöma Diosma jwiinö otiwa jawa iyakwo̧ ju'winö.

Jo̧kwaijayonö, bakwo̧ bite tjemudajayo̧nö, ötjönö o̧'wo̧ wana̧lo̧nö, sulabenö ja̧obö webo̧nöma Diosma jwiinö labi̧ jawa weakobe jo̧banöma, usula emawinö. Wanedö yötawa: Jo̧ba usula emawi̧ma, inawa ömökawa u̧lume'anö nu'yö nönajo̧ ojwe okwa jabö loökwe usula emawi̧tjö o̧penönö usula emawinö weakwo̧—jö̧ba̧lö yöbawijetö Jesúsma.

Ja̧danö, kwöbajale Dios weökö jawa ja̧köbobö weitjö̧ma ja̧le kelekwö loköbo. Jau chömöledö, bakwaleda jonö Dios La'aka Luwo̧ ö̧jobe kwi̧'yobema dölelataja jonö ökwöla la'akatjöda tiibokolabe kwi̧'yemitjö o̧penönö otiwa.