Popular Bible Verses from Marcos 8

Share

Jau chömöledö, kwomukwataduwena, Aaa, Jesús ökömanö chi̧'yökena, debö chi̧'yapji jö̧ba̧lö. Jo̧kwaijayonö isabenö mikwawobe chökömanö kwichaduwobö chömöledö. Jau chömöledö, bakwo̧ iteda debö i̧'yokobö isakwitjö̧ma, waekwena, isabenö ja̧kwawama ujuna̧lökena. Jo̧kwaijayonö ötjönö ösödö, ja̧danö, jojodö otiwa jawa wene tja̧ja̧kwo jö̧a̧lobetjö̧ ö'wö babibo̧ma, jo̧bama isabenö ja̧kwawa ujuna̧lakwo̧.

Bakwo̧ okobe jwiinö böjȩ jawa teabi baladabi ujuna̧lonö o̧'wo̧ luwo̧ma ba̧kwȩlö̧jatebö ja̧kwawa Dioskwö jwiitjö̧ma ¿dakwö mikwawobö böjȩ jawa ujuna̧linöma? Mikwawökö.

Ikenama Jesúsma jwöbijetö okobe deinö ichajadönöbi, iteda öba̧ja̧di̧ waisachadönöbi iteda ö̧jobekwö tjichobö. Ichajadönö jö̧ba̧lijetö: —Chömöledö baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö, omukwatökönö— yöbawijetö—.

Jo̧bama ö'wö baibena ja̧kwawama jwiakwo̧, böjȩ ja̧kwawabi o̧'wo̧ luwo̧ma Dioskwö ba̧kwȩlö̧jatebö ja̧kwawabi. Ja̧ möle ¿tajinö emobeda ja̧kwawama? ¿Baladanö? ¿Tea balewö? Ja̧maökö. Yelösöda emokobe— yöbawijetö Jesúsma—. Isabenö yöta̧la, babe ju̧kwadö sulabenö ja̧bö tjuju̧kwobe, Diosnö öpöjödö böjȩ jawada ösödö. Bakwo̧, ötjönö öpöjödinö jo̧ma baikwö baledakwo̧. Ju'winö ötjöma, jojo babibö öwabachinama, yemidanö böjȩkwö chichenama ötjönö öpöjödo̧nö ötjöbi chöpöjödakobe. Isabenö ju'winö, Dios dewinö dejatinö böjȩkwö yemidanö chichena, suli̧ jwibadö ángelesdökwö chichenama, ötjöbi jo̧banö edö chöpöjödakobe— yöbawijetö Jesúsma iteda öba̧ja̧di̧ waisachadönö.

Jejenö yötjawökwe Jesúsma jö̧ba̧lijetö: —¿Ökwödöja? Ju'wedö jejenö yötja̧lonöma ¿dakwö yöka̧laduwobeda ötjönöma?— jejenö abebö a̧ja̧kwiökwe Pedroma jö̧ba̧lijetö: —Ökwöma Dios weinökweja, jojodö tjö̧jibinö pjaatobö— jö̧ba̧lijetö Pedroma.