Popular Bible Verses from Mateo 26

Share

Abökönö te'ada̧lö Diosnö akebaduwo, sulabenö ja̧köbaduwojobö jö̧ba̧lö balediawö̧, sulabenö ja̧köbaduwapji jö̧ba̧lö. Kwo̧'wo̧ luwo̧duwitjö isabenö otiwanö ja̧köbaduwobö ösödadöja chömöledö, jo̧kwaijayonö kwiteba'oduwitjö juluwöködöja— jö̧ba̧lö.

ja̧danö iteda öba̧ja̧di̧ waisachadönö yöawinobe: —Jwiinö o̧'wo̧ tjo̧acho̧sa, cho̧'wo̧ tjo̧achi̧tjö ö'wö batibenanö— jö̧ba̧lö yöawinobe. Ja̧danö, jobadönö weinobe: —Bena ja̧nö abökönö kwite'ada̧laduwo— jö̧ba̧lö.

Webajo̧, ödöokobe 'ya̧wibö, öba nijakwö bamatö, Diosnö aebinobe: —Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö Chabe'do, ökwöda kwösödi̧danö ja̧bi— jö̧ba̧lö.

Bi'do̧sobu chökwösobuma, Dios 'yayinö yöbawö ujunakwa̧ wene yöawobe, chökwösobu ebawobetjö̧ Dios isabenö jojodö tjusula söbebö loakwa̧ wenema.

Kwakwawa tjukwonö, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda öba̧ja̧di̧ waisachadönö iyö, wanedö yöawinobe baikwö: —Bipja̧ma ötjö chiteba'o. Emö kwaduwi— jö̧ba̧lö.

Ikenama, dȩja̧'do̧ emibö, Diosnö aebinobe, otiwanö kwiyajabe jö̧ba̧lö, ja̧danö jobadönö iyö wanedö yöawinobe: —Okobe deinö owaduwi chömöledö.

Ikenama Diosnö abebajo̧, iteda öba̧ja̧di̧ waisachadö wa̧medukwa tjö̧jibajobekwö ȩwa̧bijinobe. Ichibö, abekwajadönö edinobe, ja̧danö Pedronö abebö a̧ja̧kwinobe: —Ökwödö wa̧medukwama, ¿bakwöta horabi abökönö kwite'ada̧laduwobö jwiköbaduwiji̧?

Isabenö yötawaduwakwö chömöledö, babe ökwödökwö chowi̧danöma yemidanö bobu ubasobu o̧'do̧bu chowökakobe, Chabe'do la'aka luwo̧ ö̧jena ja̧nö, 'yayobu ökwödökwö chowenanö kabatö— jö̧ba̧lö yöawinobe.

ja̧danö Pedroma Jesús yöawina omukwatibinobe: —Akala jwöakwa̧ abönö, wa̧pötakwanö ötjönö wajwitökwe jö̧ba̧lö yöka̧lakwo̧ja— jö̧ba̧lö yöawina omukwatibinobe. Ikenama Pedroma jobetjö labebö, jwiinö o̧'wo̧ tjo̧achö ubudekwinobe.

A̧laibö di̧'yaduwo. Edaduwi, ötjönö iyö loakwo̧ma tjo̧wi̧ ichibajabe— jö̧ba̧lö yöawinobe.

Ja̧iökwe, Jesúsma jo̧banö weinobe: —Kwölöte'oma yemidanö ajayinö a̧jena yutebö ani chömöledöso̧. Okobe deinö kwölöte'onö kwakwabakwawadöma, kwölöte'otjö debö tji̧'yakwedö chömöledö.